«Biełavija» praciahnuła spynieńnie palotaŭ u 28 jeŭrapiejskich haradoŭ
«Biełavija» padaŭžaje prypynieńnie rejsaŭ u šerah krain pa 14 śniežnia.
«U suviazi z padaŭžeńniem dziejańnia zabaronaŭ na vykarystańnie pavietranaj prastory i niemahčymaściu vykonvać paloty avijakampanija «Biełavija» vymušanaja prypynić vykanańnie rejsaŭ pa 14 śniežnia 2021 hoda ŭ nastupnyja harady: Viena, Brusiel, Łondan, Budapiešt, Bierlin, Frankfurt, Hanovier, Miunchien, Barsiełona, Rym, Miłan, Łarnaka, Ryha, Vilnia, Kišynioŭ, Amsterdam, Varšava, Białhrad, Kijeŭ, Adesa, Lvoŭ, Charkaŭ, Chielsinki, Paryž, Praha, Stakholm, Talin, Kalininhrad», — raspaviali ŭ avijakampanii.
Na siońnia «Biełavija» vykonvaje rejsy ŭ Armieniju, Azierbajdžan, Hruziju, Rasiju, Izrail, Kazachstan, Turcyju, Uźbiekistan, AAE, čartarnyja rejsy ŭ Turcyju, Jehipiet i Iardaniju.
Nahadajem, biełaruskaja avijakampanija pierastała lotać u jeŭrapiejskija harady paśla situacyi z prymusovaj pasadkaj samalota Ryanair unutryjeŭrapiejskaha rejsa «Afiny — Vilnia» z Ramanam Pratasievičam na borcie.
Kamientary