Siońnia ŭ sudzie Biełharada adbyŭsia sud pa rašeńni na ekstradycyju z Rasii bieraściejca Vadzima Dubojskaha. Jon prachodzić pa artykule ab masavych biesparadkach u Biełarusi.

U žniŭni 2020-ha Vadzim byŭ zatrymany siłavikami i źbity. Jaho vypuścili praz sutki bieź jakich-niebudź dakumientaŭ, jon trapiŭ u balnicu. A paśla taho, jak jon źniaŭ paboi, na jaho zaviali kryminalnuju spravu pa artykule 293 Kryminalnaha kodeksa (udzieł u masavych biesparadkach), paviedamlajuć pravaabaroncy.
Vosieńniu Vadzim pakinuŭ Biełaruś. Na radzimie jamu pahražaje da 8 hadoŭ pazbaŭleńnia voli.
Sud pastanaviŭ vydać Vadzima Biełarusi. Rasijskija pravaabaroncy buduć rychtavać jaho vypadak u Jeŭrapiejski sud pa pravach čałavieka.
Raniej Rasija ekstradavała baksiora z Maładziečna Alaksieja Kudzina, jaki byŭ u vyšuku za padziei 9-10 žniŭnia 2020 hoda. Potym u Maładziečnie jaho asudzili da troch hadoŭ kałonii.
Jeŭrapiejski sud pa pravach čałavieka zabaraniŭ Rasii ekstradycyju biełaruskaha spartsmiena, ale heta nie paŭpłyvała na situacyju.
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami
Kamientary