Ceny na draŭninu na suśvietnym rynku pajšli ŭniz i cenavaje rali, jakoje pryviało da hłabalnaha rostu koštu piłamateryjałaŭ u śviecie, spyniłasia. Pra heta paviedamlaje RBK. A heta značyć, što ceny na draŭninu ŭ Biełarusi taksama pavinny, pa łohicy, źnizicca. Ale na ŭzrovień 2019 hoda jany naŭrad ci viernucca, miarkuje Realt.by.
U 2021 hodzie košt piłamateryjałaŭ u Biełarusi pavialičyŭsia bolš čym u dva razy ŭ paraŭnańni ź minułym siezonam. Heta adbyłosia z-za rostu koštaŭ na draŭninu ŭ ZŠA, a ŭ vyniku — i na ŭsim suśvietnym rynku. Sprava ŭ tym, što hety tavar pradajecca ŭ Biełarusi praź biržu i cana na jaho farmujecca na padstavie popytu i prapanovy. Padaražeńnie draŭniny adbiłasia i na cenach na inšyja budmateryjały, jakija taksama stali daražejšymi. Niadaŭna Minbudarchitektury navat vyrašyła rehulavać ceny na 33 pazicyi budmateryjałaŭ.
Ale, mahčyma, u chutkim časie jak minimum piłamateryjały pačnuć tańnieć i bieź dziaržrehulavańnia. Sprava ŭ tym, što košt fjučersaŭ na piłamateryjały (lumber) u ZŠA ŭpaŭ da ŭzroŭniu $500 za 1 tys. futaŭ doški, abo prykładna $213 za kubamietr (košt u ZŠA raźličvajecca za 1 tys. calevych došak, što składaje 2,35 m/kub.).
Pry hetym jašče ŭ traŭni fjučersy na draŭninu na Čykahskaj tavarnaj biržy dasiahali rekordnaha ŭzroŭniu ŭ $1733,5 za 1 tys. futaŭ doški ($734,5 za 1 kub. m). Za čatyry miesiacy kantrakty abvalilisia bolš čym na 70%. Ceny na draŭninu ŭ ZŠA praktyčna viarnulisia da dapandemičnaha ŭzroŭniu.
Ciapier čytajuć
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary