$500 młrd: Hienprakuratura inicyjavała stvareńnie kamisii pa acency majomasnaj škody, naniesienaj u hady vajny
Hienprakuratura źviarnułasia ŭ Saviet ministraŭ ź inicyjatyvaj ab stvareńni mižviedamasnaj kamisii pa acency pamieru majomasnaj škody, pryčynienaj złačynstvami nacysckich złačyncaŭ na terytoryi BSSR u hady Vialikaj Ajčynnaj vajny, paviedamlaje BiełTA.
Paviedamlajecca, što Hienprakuratura ŭstanaviła šmatlikija vypadki masavaha źniščeńnia fašysckimi złačyncami hramadzianskaha nasielnictva respubliki, hvałtoŭnaha vyvazu ich za miežy SSSR, u pryvatnaści na terytoryju Hiermanii. Taksama jość fakty vykarystańnia prymusovaj pracy ŭ intaresach praciŭnika. Šmat vypadkaŭ, kali akupacyjnaja ułada arhanizoŭvała miescy prymusovaha ŭtrymańnia, dzie šlacham stvareńnia nievynosnych umoŭ było zabita značnaja kolkaść ludziej.
«Akramia taho, paŭsiudna vyniščałasia i niezakonna adbirałasia na karyść ahresara majomaść. Tak, razburalisia pramysłovyja pradpryjemstvy, budynki, abjekty infrastruktury, byli razrabavanyja kałhasy, adbirałasia žyvioła, vyvoziłasia abstalavańnie (paravyja katły, turbiny, pierasoŭnyja elektrastancyi, mietałarežučyja stanki, drevaapracoŭčaje abstalavańnie i t.p.), vykradalisia historyka-kulturnyja kaštoŭnaści (muziejnyja ekspanaty, pradmiety žyvapisu, kaštoŭnaści)», — havorycca ŭ paviedamleńni.
Takimi dziejańniami BSSR i jaje žycharam byŭ naniesieny ŭron, što padlahaje acency i padliku ŭ hrašovym vyražeńni, upeŭnienyja ŭ Hienprakuratury.
Z ulikam inflacyi amierykanskaj valuty ahulnaja suma škody moža składać nie mienš za $ 500 młrd u ekvivalencie, paviedamlaje Hienprakuratura.
Hienprakuror: straty Biełarusi ad vajny — 500 młrd dalaraŭ. Kolki sapraŭdy?
Ciapier čytajuć
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary