Cichanoŭskaja: ZŠA, Vialikabrytanija i Kanada rychtujuć sumiesnyja sankcyi suprać uładaŭ Biełarusi
ZŠA, Vialikabrytanija i Kanada ŭ najbližejšy čas mohuć abviaścić pra sumiesnyja sankcyi ŭ dačynieńni da biełaruskich uładaŭ. Pra heta zajaviła Śviatłana Cichanoŭskaja padčas sumiesnaj pres-kanfierencyi ź ministram zamiežnych spraŭ Litvy Habryelusam Łandśbierhisam 9 žniŭnia ŭ Vilni, piša Zerkalo.io.
Kiraŭnik MZS Litvy zajaviŭ, što Vilnia ličyć nieabchodnym uvieści dadatkovyja sankcyi suprać biełaruskich uładaŭ jak z-za mihracyjnaha kryzisu na miažy, tak i z-za represij, jakija praciahvajucca ŭnutry Biełarusi. Pa jaho słovach, Litva pradstaviła Jeŭrakamisii, u jakich kirunkach mahčyma ŭzmacnić sankcyjny cisk, jaki b spryjaŭ skaračeńniu parušeńni pravoŭ čałavieka ŭ Biełarusi i stymuły dla dazvołu palityčnaha kryzisu.
Śviatłana Cichanoŭskaja adznačyła, što ZŠA, Vialikabrytanija i Kanada rychtujuć sumiesnyja sankcyi suprać biełaruskich uładaŭ i najbližejšym časam mohuć abviaścić ab ich uviadzieńni.
— Viarchoŭny kamisar AAN pa pravach čałavieka pačaŭ dakumientacyju faktaŭ hvałtu i katavańniaŭ biełarusaŭ, my pracujem nad nabližeńniem mižnarodnaha trybunała pa złačynstvach režymu i praviadzieńniem mižnarodnaj kanfierencyi vysokaha ŭzroŭniu pa vyrašeńni kryzisu ŭ Biełarusi, — dadała palityk.
Padčas pres-kanfierencyi jana zhadała, što roŭna hod tamu pryjšła na ŭčastak hałasavańnia i atrymała biuleteń sa svaim imiem, pryznaŭšy, što addała hołas za siabie.
— Ja nie mahła pavieryć, što heta adbyvajecca sa mnoj, ale biez sumnievaŭ pastaviła ptušačku nasuprać svajho imia, bo nasamreč tam byli napisanyja imiony Siarhieja Cichanoŭskaha, Viktara Babaryki, Valeryja Capkały i ŭsich, chto pavinien byŭ stać kandydatam, ale padvierhsia pieraśledu abo apynuŭsia ŭ turmie.
Z taho dnia bolš za 36 tysiač biełarusaŭ prajšli praz zatrymańni, 610 čałaviek pryznanyja palitviaźniami, tysiačy znachodziacca ŭ źniavoleńni bieź viny.
— Biełarusy zastajucca niepachisnymi ŭ svaich metach: palityčny kryzis budzie vyrašany, kali ŭsie pazbaŭlenyja voli pa palityčnych matyvach vyjduć na volu, kali ŭ krainie projduć novyja demakratyčnyja prezidenckija vybary pad mižnarodnym nahladam, — ličyć eks-kandydat u prezidenty.
Ciapier čytajuć
Ad rekietu da prodažu fota mahił. Jak vyhladaje znutry hrupoŭka Project X, jakaja viarbuje ludziej dla pieravozki mihrantaŭ ź Biełarusi ŭ ES9
Kamientary