Biełaruś nie admoviłasia ad idei stvareńnia ŭłasnaha marskoha handlovaha fłotu, zajaviŭ siońnia na pres‑kanfierencyi pieršy namieśnik ministra transpartu i kamunikacyj Mikałaj Vierchaviec.
Pieršy namieśnik ministra adznačyŭ, što ŭ Biełarusi štohod kala 20 młn.t hruzaŭ padlahaje marskoj pieravałcy i transparciroŭcy. «My addajom ich kampanijam, jakija majuć fłot, u toj ža čas vyhadniej było b vykarystoŭvać ułasny marski fłot», — skazaŭ jon.
Biełaruś razhladaje niekalki varyjantaŭ farmiravańnia marskoha fłotu — z udziełam rasijskich i litoŭskich partnioraŭ.
Tak, z rasijskaj kampanijaj «Sučasny kamiercyjny fłot» praviedzieny pierahavory ab mahčymaściach supracoŭnictva, adnak biełaruski bok pakul nie zadavalniajuć tyja ŭmovy, jakija prapanujuć rasijskija kalehi. «Naprykład, kampanija patrabuje, kab biełaruskija ŭładalniki hruzaŭ karystalisia tolki pasłuhami ich kampanii. Ale my nie možam pajści na takija kroki, tamu što budziem pryviazany tolki da adnaho pieravozčyka, jaki budzie dyktavać svaje praviły raboty», — adznačyŭ pieršy namieśnik ministra.
Mahčymaści farmiravańnia biełaruskaha handlovaha fłotu abmiarkoŭvajucca i ź litoŭskim bokam, u pryvatnaści z kiraŭnictvam kłajpiedskaha porta. «Litoŭskija kalehi zacikaŭleny, kab my pa dobrych cenach pieradavali im dla transparciroŭki svaje hruzy. My ž chočam, kab heta pradpryjemstva źjaŭlałasia subjektam haspadarańnia Biełarusi i pracavała ŭ našaj krainie», — kazaŭ Mikałaj Vierchaviec.
Razhladajecca taksama mahčymaść udziełu ŭ prajekcie kampanij dalokaha zamiežža. Niekatoryja zamiežnyja inviestary hatovy pracavać u Biełarusi, pradastaŭlajučy svaje marskija sudny i pasłuhi biełaruskim hruzaŭładalnikam.
U svaju čarhu načalnik upraŭleńnia marskoha i račnoha transpartu Mintransa Branisłaŭ Havaroŭski adznačyŭ, što patrebnaść u marskich sudnach va ŭsim śviecie rezka źniziłasia va ŭmovach kryzisu. Sudny stajać biez raboty ŭ čakańni hruzaŭ. «U toj ža čas źjaviłasia mahčymaść nabyć marskoje sudna tańniej, my analizujem hetu situacyju. Viadziecca rabota pa pryciahnieńni ŭ Biełaruś inviestaraŭ z sudnami, jakija mahli b pracavać u respublicy i pieravozić biełaruskija hruzy», — raskazaŭ śpiecyjalist.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary