U Vaskrasienskaha stvarajuć partyju «Novyja ludzi» pad markaj «byłoj kamandy Babaryki»
Na ofisie «Kruhłaha stała demakratyčnych sił» Juryja Vaskrasienskaha adbyłasia prezientacyja palityčnaj partyi «Novyja ludzi».
Jaje kiraŭnikom stanie Vasil Halkin. Hetaha čałavieka Vaskrasienski prezientavaŭ jak «adnaho z najlepšych zborščykaŭ podpisaŭ za Viktara Babaryku», jon źbiraŭ podpisy na «Danie Moł».
Sam Halkin skazaŭ, što jamu davodziłasia navat načavać na ofisie Babaryki ŭ nočy na 9 i 10 žniŭnia. Hetuju partyju prezientujuć, byccam jaje zasnavali byłyja siabry inicyjatyŭnaj hrupy Viktara Babaryki.
U arhkamitet «Novych ludziej» uvachodziać: Uładzimir Śviryda — adkazvaje za mały i siaredni biznes, Halkin skazaŭ, što viedaje jaho šmat hadoŭ, toj źjaŭlajecca prychadžaninam carkvy; Ivan Suško — śpiecyjalist u pramysłovaści; Mikałaj Małacha — adkazvaje za inavacyjnyja technałohii; Siarhiej Sajankoŭ — były časovy pavierany Biełarusi ŭ Japonii.
Niekatoryja z hetych ludziej navat nie huhlacca.
Halkin u svajoj pramovie dosyć šmat krytykavaŭ emihrantaŭ, jakija zaklikajuć da sankcyj suprać Biełarusi, a taksama zabirać hrošy z bankaŭ. Kiraŭnik partyi zapeŭnivaje, što dumaŭ nad prapanovaj pajści ŭ palityku paŭhoda. «Nikudy pratesnaja aktyŭnaść nie ŭpała. Ludzi vychodzili na vulicy i płoščy, kali my kažam pra źbićci i dubinki, a heta było, ja asabista bolš bajusia dubinak, čym štrafu. Ciapier my nie pavinny kryčać «Fašysty», my pavinny razmaŭlać, nie škodzić ekanomicy», — kaža Halkin.
«My nie šukajem niejkaj nišy, chutčej za ŭsio budzie levy centr. Dumaju, što dzieści ŭ lipieni my vyrulim z prahramaj, a ŭ žniŭni praviadziom źjezd. My splecienyja i ź Jeŭropaj, i z Rasijaj, my pavinny pracavać z usimi. U nas byli vojny i z Rasijaj, i ŭ aljansie z Rasijaj», — kaža kiraŭnik «Novych ludziej».
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary