Z palihona na Brestčynie na hruzaviku ŭciok sałdat i pajechaŭ da dziaŭčyny ŭ Połacki rajon
Minabarony paviedamiła ŭ svaim telehram-kanale, što vajskoviec terminovaj słužby pakinuŭ terytoryju palihona ŭ Ivacevickim rajonie na hruzaviku.
Minabarony dadaje, što sałdat nie mieŭ zaŭvah pa słužbie, u padraździaleńni charaktaryzavaŭsia stanoŭča.
Jak miarkujecca, jon nakiravaŭsia da miesca pražyvańnia svajoj dziaŭčyny ŭ Połacki rajon. Sam chłopiec z Rasonaŭ.
Byŭ abvieščany płan «Pierachop». Adnak DAI zdoleła spynić mašynu na trasie Minsk — Połack u rajonie Ušačaŭ. Sałdat uciok u les u rajonie vioski Saročyna.
Pavodle infarmacyi Telegram-kanała Vajenkor_BY, MAZ, za rulom jakoha znachodziŭsia vajskoviec terminovaj słužby, byŭ znojdzieny na trasie. Sałdat praihnaravaŭ patrabavańni supracoŭnikaŭ DAI spynicca i papieradžalnyja streły ŭ pavietra. Supracoŭnikam daviałosia stralać pa kołach. U vyniku sałdat terminovaj słužby kinuŭ mašynu i ŭciok u les.
Paviedamlajecca, što žychary navakolnaj zony musiać być aściarožnyja.

Kamientary