Karač patrabuje ad Cichanoŭskaj sustrečy z 10 lidarami apazicyi. Adzin ź ich, Chalezin: Mianie navat nie spytali
Volha Karač vystupiła ŭ fejsbuku z adkrytym listom da Śviatłany Cichanoŭskaj. Jana patrabuje pravieści «asabistuju sustreču lidaraŭ demakratyčnych sił». Dla čaho?
Pa-pieršaje, kab abvierhnuć prapahandu, jakaja sprabuje pierakanać biełaruski narod u tym, što demakratyčnyja siły nie mohuć znajści kansensus, a zajmajucca tolki intryhami.
Pa-druhoje, na dumku Karač, Cichanoŭskaja pavinna vykarystać svoj mandat, kab bolš ščylna abjadnać usie hrupy i inicyjatyvy.
Chto ž pavinien pryniać udzieł u takoj sustrečy?
- Śviatłana Cichanoŭskaja
- Pavieł Łatuška
- Vieranika i Valeryj Capkała
- Vadzim Prakopjeŭ
- Volha Karač
- Aleś Bialacki
- Mikałaj Chalezin
- Siarhiej Dyleŭski
- Ihar Makar
- Uładzimir Mackievič
- Aleh Maisiejeŭ
Pieršym na inicyjatyvu adreahavaŭ kiraŭnik «Svabodnaha teatra» Mikałaj Chalezin.
Jon zajaviŭ, što jaho ŭklučyli ŭ śpis bieź jaho zhody. Na siońnia Chalezinu dastatkova kamunikacyi sa štabam Cichanoŭskaj, NAU i Kaardynacyjnaj radaj, pryčym heta kaardynacyja adbyvajecca biez pasiarednikaŭ. Chalezin spadziajecca, što tak budzie i nadalej.
«Chaču asabliva adznačyć, što ja nie staŭlu pad sumnieŭ lidarstva Śviatłany Cichanoŭskaj, za jakuju prahałasavała bolšaść biełarusaŭ. Liču, što lubyja sproby ŭniasieńnia raskołu ŭ pieršuju čarhu adbivajucca na ludziach, jakija znachodziacca siońnia ŭ Biełarusi, jakija vymušanyja žyć u najskładaniejšych umovach dyktatarskaha presinhu. Adkaznym palitykam i hramadskim dziejačam varta heta ŭličvać u pieršuju čarhu, inicyjujučy tyja ci inšyja pracesy», — padsumavaŭ Chalezin.
Volha Karač, jakaja žyvie ŭ Vilni ŭžo amal dziesiać hadoŭ, ad niadaŭniaha času sprabuje padsiedzieć Śviatłanu Cichanoŭskuju. Ahresiŭnuju kampaniju suprać kamandy Cichanoŭskaj jana pačała ŭ studzieni hetaha hoda.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary