Dziesiać hadoŭ tamu pamier Bałtyjskaha fłotu Rasii nie nadta adroźnivaŭsia ad pamieru polskaha. Ale siońnia kolkasnaja pieravaha rasijskich karabloŭ usio bolš zaŭvažnaja. Rasija pastupova realizuje svaje mety ŭ rehijonie.
Bałtyjski fłot — adzin ź piaci strukturnych elemientaŭ vajenna-marskoha fłotu Rasii. Niahledziačy na nazvu, jon składajecca nie tolki z karabloŭ, ale i z vajenna-pavietranaj častki. Fłot bazirujecca ŭ troch portach: Bałtyjsku ŭ Kalininhradskaj vobłaści, a taksama ŭ portach Kranštadt i Łamanosaŭ u Leninhradskaj vobłaści. Siońnia fłot składajecca z 54 vajennych karabloŭ, ale ŭ bližejšyja hady jon pavialičycca jak minimum na 5 karvietaŭ «Karakurt» i na 3 novyja submaryny. U dadatak fłot maje 6 maleńkich supraćłodačnych karabloŭ, 6 maleńkich karabloŭ-rakietanoscaŭ, 10 minnych tralščykaŭ i 15 desantnych sudoŭ roznych typaŭ, tłumačyć onet.pl.
Rasijskamu vajenna-marskomu fłotu šmat hadoŭ brakavała inviestycyj, i Bałtyjski fłot ličyli adnym ź jaho samych technałahična adstałych elemientaŭ. Ale z pačatkam 2010-ch spravy na Bałtycy pačali źmianiacca. Z 2010 hoda ŭ Bałtyjski fłot byli pryznačanyja 16 karabloŭ, i, kali b nie aneksija Kryma i vajna ŭ Danbasie, ich kolkaść mahła b być jašče bolšaja. Z 2014 hoda značna vyrasła chutkaść madernizacyi Čarnamorskaha fłotu.
Adnak Bałtyjski fłot usio jašče adčuvaje niedachop novych vialikich nadvodnych karabloŭ kłasa frehataŭ. Pa-pieršaje, heta źviazana z ahulnaj źjavaj dla ŭsiaho rasijskaha VMF — hety fłot maje ciažkaści z kamplektavańniem frehatami. Pa-druhoje, Rasija bolš inviestuje ŭ małyja karabli na Bałtycy, bo ŭ samoj Kalininhradskaj vobłaści ŭžo ŭstalavanaja dobraja sistema supraćrakietnaj abarony, tamu niama sensu zabiaśpiečvać jaje z dapamohaj frehataŭ. I pa-treciaje, Rasija nakiroŭvaje na Bałtyku małyja karabli, bo padčas kryzisu ci vajny, kali karabli nie zmohuć prachodzić praz Dackija pralivy, małyja karabli Rasija zmoža pierakidać na Bałtyku vodnymi šlachami praz Vołhu i Niavu, a taksama pieravozkaj pa sušy.
Asnoŭnaja zadača Bałtyjskaha fłotu — zachoŭvać rasijski vajenny kantrol nad Bałtyjskim moram. Pry hetym karabli z Bałtyjska vykonvajuć misii i ŭ inšych rehijonach, naprykład, u Mižziemnamorji. Ciaham apošniaha času Bałtyjski fłot taksama aktyŭna ŭdzielničaŭ u realizacyi rasijskich enierhietyčnych prajektaŭ, naprykład, pabudovy hazapravoda «Paŭnočny patok». Michaił Papoŭ, pieršy namieśnik sakratara rasijskaj Rady biaśpieki, pryznaŭ, što fłot taksama pavinien zajmacca abaronaj hetych pabudoŭ «suprać mahčymych pravakacyj». Adzin sa šlachoŭ takoj abarony — vykonvać rehularnyja patruli ŭzdoŭž hazapravoda z dapamohaj nadvodnych karabloŭ i submaryn.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary