Jak pandemija źmianiła mihracyju va Uschodniaj Jeŭropie ŭ advarotny bok
Šmat ludziej viarnulisia z-za miažy dadomu.
Svaboda pierasoŭvańnia — adna z samych značnych pieravah ES, jakuju vielmi ceniać hramadzianie byłych kamunistyčnych i dyktatarskich krain, dzie trapić za miažu było prablemaj. Adnak prablemaj dla mnohich uschodniejeŭrapiejskich krain staŭ i adtok mazhoŭ (i ruk).
Nasielnictva Litvy praz emihracyju i nizkuju naradžalnaść skaraciłasia z 3,7 miljonaŭ u 1990 hodzie da 2,8 miljonaŭ u 2019 hodzie. Nasielnictva Biełarusi taksama skaraciłasia z 10,3 miljona ŭ 1993-m prykładna na miljon. Kala dvuch miljonaŭ palakaŭ, a heta 5% nasielnictva, žyvuć u inšych krainach Jeŭropy. Jak praviła, heta ŭsie samyja pracazdolnyja ludzi, paviedamlaje The Economist.
Voś ža, jašče da pandemii mihracyja pačała mieć advarotny charaktar. Ludzi va Uschodniuju Jeŭropu stali viartacca.
Mihracyja ŭ luby punkt śvietu časta maje časovy charaktar. U Jeŭropie hetamu spryjajuć niekalki faktaraŭ.
Pa-pieršaje, skaračajecca ekanamičny razryŭ pamiž Uschodam i Zachadam.
Da pandemii ŭzrovień biespracoŭja ŭ Čechii składaŭ 2%, što źjaŭlajecca samym nizkim pakazčykam u ES, chacia na pačatku dałučeńnia ŭ 2004 hodzie biespracoŭje dasiahała 9%. Roźnica ŭ zarobku jašče zachoŭvajecca, ale pastupova skaračajecca.
U 2010 hodzie rumyn, jaki pierajazdžaŭ u Italiju, moh raźličvać na zarobak u piać razoŭ vyšejšy, čym na radzimie, a ŭ 2019 hodzie — užo tolki ŭ try razy. Dla vysokakvalifikavanych śpiecyjalistaŭ hety razryŭ jašče mienšy. Da taho ž, rumynski ŭrad vyzvaliŭ ajcišnikaŭ ad padachodnaha padatku, što robić pracu ŭ Buchareście jašče bolš pryvabnaj.
Advarotnaj mihracyi taksama paspryjaŭ karanavirus. Pakul miežy jašče byli adkrytyja na pačatku pandemii, šmat ludziej vyrašyli chutčej viarnucca dadomu, pakul była mahčymaść.
Prykładna 1,3 miljonaŭ rumynaŭ viarnulisia na radzimu. Heta kolkaść u try razy pieravyšaje nasielnictva druhoha pa vieličyni horada Rumynii.
Kala 500 tysiač bałharaŭ viarnulisia ŭ Bałharyju, što źjaŭlajecca vializnaj ličbaj dla siamimiljonnaj krainy.
Upieršyniu za šmat hadoŭ kolkaść tych, chto viartajecca ŭ Litvu, pieravysiła kolkaść tych, chto źjazdžaŭ z krainy. Takaja ž tendencyja nazirajecca i ŭ Polščy.
Palityki z Uschodniaj Jeŭropy daŭno ŭzdymajuć prablemu «ŭciečki mazhoŭ», bo šmat vysokakvalifikavanych śpiecyjalistaŭ źjazdžali na Zachad u pošukach bolš vysokich zarobkaŭ. Adnak ciapier nazirajecca advarotny praces dziakujučy pandemii.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary