Prezident Ukrainy Uładzimir Zialenski hatovy sustrecca z kožnym ź lidaraŭ «narmandskaj čaćviorki», kali pieramovy pamiž udzielnikami abjadnańnia buduć adkładacca. Pra heta Zialenski zajaviŭ na forumie «Ukraina 30. Kultura, miedyja, turyzm» u Kijevie, pieradaje UNIAN.
Zialenski paviedamiŭ, što Kijeŭ ciapier «u lubym razie» viadzie padrychtoŭku da sustrečy ŭ «narmandskim farmacie» ź lidarami Rasii, Hiermanii i Francyi. Ale, pavodle jaho słoŭ, kali hetaha nie adbudziecca, jon hatovy asabista pahutaryć z kožnym ź lidaraŭ krain-udzielnic abjadnańnia.
«Kali, jak kažuć, «hara nie idzie da Mahamieta», ničoha strašnaha, ja sustrenusia z kožnym asobna», — skazaŭ kiraŭnik dziaržavy, padkreśliŭšy, što pieramovy pa Danbasie nie atrymajecca adkładać pastajanna.
Kamientary