Členu Prezidyuma Kaardynacyjnaj rady, jurystu Maksimu Znaku padoŭžany termin utrymańnia pad vartaj da 9 maja. Pra heta Tut.by paviedamiŭ advakat Znaka Dźmitryj Łajeŭski.
Maksima Znaka zatrymali roŭna paŭhoda tamu, 9 vieraśnia. Jaho abvinavacili ŭ zaklikach da dziejańniaŭ suprać nacbiaśpieki (častka 3 artykuła 361 KK). 25 studzienia jamu čarhovy raz praciahnuli termin utrymańnia pad vartaj da 9 sakavika, a na dniach Znaku praciahnuli jaho jašče na dva miesiacy.
— Maksimu ŭručyli kopiju pastanovy ab pradaŭžeńni terminu ŭtrymańnia pad vartaj. My abskardzim rašeńnie śledstva, — prakamientavaŭ Dźmitryj Łajeŭski.
Pieršaja sprava suprać Kaardynacyjnaj rady pa č. 3 art. 361 była raspačata ŭ kancy žniŭnia. U śniežni Hienprakuratura zaviała jašče dźvie novyja kryminalnyja spravy ŭ dačynieńni da členaŭ KR pa faktach stvareńnia ekstremisckaha farmavańnia i kiraŭnictva im, finansavańnia jaho dziejnaści i zmovy z metaj zachopu dziaržaŭnaj ułady niekanstytucyjnym šlacham. 10 lutaha Maksimu Znaku pradjavili abvinavačvańni pa hetych dvuch artykułach.
Kamientary