Namieśnik ministra Kazakievič nazvaŭ sacyjalny partret čałavieka, «źviazanaha z pratestnaj aktyŭnaściu»
U krainie było ździejśniena bolš za 2,5 tysiačy złačynstvaŭ, «źviazanych z pratestnaj aktyŭnaściu». Tysiača supraćpraŭnych dziejańniaŭ była praviedziena ŭ dačynieńni da supracoŭnikaŭ milicyi abo ŭnutranych vojskaŭ. Ustanoŭleny vosiemsot čałaviek, jakija «tak ci inakš udzielničali ŭ pratesnym ruchu». Takaja infarmacyja prahučała ŭ efiry telekanała «Biełaruś 1», piša Tut.by.
— Ja dumaju, hledaču budzie cikava pačuć, što my skłali sacyjalny partret takoha złačyncy. Heta niepracujučy mužčyna va ŭzroście ad 18 da 35 hadoŭ. Albo jaki pracuje na niejkaj nizkaapłatnaj pasadzie. I na pytańnie, a my kožnamu zadajom hetaje pytańnie: «Što ciabie padšturchnuła pahražać, dobra milicyjantu — u nas takaja prafiesija ryzykoŭnaja — žoncy milicyjanta, dzieciam milicyjanta? Navošta ty heta robiš?» — hučyć šabłonny adkaz: «Takim čynam ja vykazvaju svaju hramadzianskuju pazicyju», — raspavioŭ namieśnik kiraŭnika MUS Hienadź Kazakievič.
Pa słovach Kazakieviča, hramadzianskuju pazicyju treba vykazvać na vybarčym učastku abo va ŭstanoŭlenym zakonam paradku.
— Ale ŭsio, što źviazana z pahrozami, z abrazaj, nieprychavanym infarmacyjnym ciskam, biezumoŭna, budzie spyniacca — zajaviŭ jon.
Nahadajem, u studzieni ŭ adzin z navinavych siužetaŭ BT trapiła milicejskaja statystyka — «sacyjalna-ŭzrostavy partret asob, zatrymanych za ŭdzieł u niesankcyjanavanych masavych mierapryjemstvach». Zhodna z hetaj statystykaj, bolš za 56% pratestoŭcaŭ — asoby va ŭzroście ad 30 da 60 hadoŭ. Siarod ich biespracoŭnych — 19%, pracujučych — amal 53%, piensijanieraŭ — 22%.
Kamientary