Pravaabaroncy abvieścili, što buduć adkryta dziejničać ad imia niezarehistravanaha pravaabarončaha centru «Viasna».
Pravaabaroncy abvieścili, što buduć adkryta dziejničać ad imia niezarehistravanaha pravaabarončaha centru «Viasna».
Pravaabaroncy Valancin Stefanovič, Aleś Bialacki i Uładzimir Łabkovič vystupili z nastupnaj zajavaj.
«My aficyjna zajaŭlajem, što dziejničali i dziejničajem ad imia niezarehistravanaj arhanizacyi «Pravaabarončy centr «Viasna» i nadalej budziem praciahvać dziejnaść ad imia hetaj arhanizacyi. My hatovyja da luboj reakcyi ŭładaŭ na našuju zajavu i, viadoma, my b vitali kroki ŭładaŭ pa admienie haniebnaha artykuła 193.1 Kryminalnaha kodeksa RB, pakolki ŭpeŭnienyja, što jon parušaje Kanstytucyju krainy i nie adpaviadaje mižnarodnym standartam u halinie pravoŭ čałavieka, a, pierš za ŭsio, Mižnarodnamu paktu ab hramadzianskich i palityčnych pravach».
My ŭpeŭnienyja, što našaja dziejnaść absalutnaja lehitymnaja. My spadziajemsia, što ŭłady raspačnuć niejkija dziejańni dla admieny hetaha artykuła, a nie dla taho, kab raspravicca z nami. My nie złačyncy, my nie parušajem čyjeści pravy, my zajmajemsia abaronaj pravoŭ čałavieka, i heta absalutna zakonna ŭ luboj narmalnaj demakratyčnaj krainie», ‑‑ zajavili hramadskija dziejačy.
Nahadajem, što 25 traŭnia Ministerstva justycyi Biełarusi ŭ treci raz vyniesła rašeńnie pra toje, što pravaabarončaje hramadskaje abjadnańnie «Naša Viasna» nie moža być zarehistravana ŭ vyznačanym zakonam paradku. Pad nazvaj «Naša Viasna» pravaabaroncy sprabavali zarehistravacca paśla taho, jak u 2003 hodzie byŭ likvidavany ich centr «Viasna».
Pravaabaroncy zajavili, što pretenzii Miniusta da rehistracyi arhanizacyi nie zasnoŭvajucca na zakanadaŭstvie Biełarusi, a isnujučuju praktyku rehistracyi hramadskich abjadnańniaŭ nazvali «absurdam».
«Biełaruskija ŭłady nie chočuć rehistravać jaje ź niezakonnych, na moj pohlad, pryčynaŭ. My rasceńvajem heta jak sistematyčnuju dyskryminacyju pravaabaroncaŭ i budziem padavać pazoŭ u Kamitet pa pravach čałavieka AAN. Ja vydatna ŭśviedamlaju toje, što ŭ vyniku hetaj zajavy ja padpadaju pad dziejańnie artykułu 193‑1 Kryminalnaha kodeksu (dziejnaść ad imia niezarehistravanaj arhanizacyi). Ale ja zajaŭlaju, što z rehistracyjaj ci bieź jaje biełaruskija pravaabaroncy nie spyniać svaju dziejnaść», — skazaŭ adzin z zasnavalnikaŭ «Našaj Viasny» Valancin Stefanovič.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ1414
Kamientary