U karcary kałonii ŭ Navapołacku skončyŭ žyćcio samahubstvam 25-hadovy źniavoleny. Jon byŭ fihurantam «spravy 37-mi»
U karcary VK-1 Navapołacka skončyŭ žyćcio samahubstvam 25-hadovy Andrej Dubik, jaki ŭ 2019 hodzie byŭ asudžany pa artykule 328 i byŭ fihurantam tak zvanaj «spravy 37-mi» — adnaho z samych masavych pracesaŭ za apošni čas. Svajaki maładoha čałavieka raspaviali Tut.by, što try hady, pakul išło śledstva, Andrej znachodziŭsia ŭ SIZA №1 na vulicy Vaładarskaha ŭ Minsku, potym jaho pieraviali ŭ VK-1 u Navapołacku, dzie jon prabyŭ paŭhoda. 8 studzienia rodnym ad maładoha čałavieka pryjšoŭ apošni list, a ŭžo 29 studzienia siamji stała viadoma pra jaho samahubstva.
— My nie viedajem, što mienavita adbyłosia i što pasłužyła pryčynaj takoha ŭčynku, ale ŭ apošnich listach jon skardziŭsia na psichałahičny cisk, pisaŭ, što jaho vyklikała načalstva i pravodziła hutarku, kab jon pryznaŭ vinu, a my — pierastali pisać listy ŭ roznyja instancyi. Za paŭhoda, što Andrej znachodziŭsia ŭ VK-1 u Navapołacku, u nas było dva spatkańni, taksama my pierapisvalisia ź im, a 8 studzienia pierapiska pierapyniłasia. Ja telefanavaŭ u kałoniju, mnie skazali, što syn u karcary, ale jon fizična zdarovy. A siońnia patelefanavaŭ turemny psichołah (abo psichijatr) i skazaŭ, što syn ździejśniŭ suicyd. I bolš u nas niama nijakaj infarmacyi. My sprabujem datelefanavacca da kałonii, adnak u buchhałteryi nichto ničoha nie viedaje — i heta zrazumieła, a pa astatnich numarach prosta nichto nie padymaje słuchaŭku, — raspaviadaje baćka maładoha čałavieka Ihar.
Na ciapierašni momant siamja sprabuje daviedacca pra ŭsie abstaviny zdareńnia.
Andrej Dubik byŭ zatrymany 28 lipienia 2017 hoda i prachodziŭ abvinavačanym pa tak zvanaj «spravie 37-mi» — adnamu z samych masavych pracesaŭ za apošni čas. Śledstva pa spravie ciahnułasia amal try hady. Abvinavačanyja byli padzielenyja na hrupy pa roznych epizodach. Ale ŭsie 37 čałaviek abvinavačvalisia ŭ niezakonnym abarocie narkatyčnych srodkaŭ, a taksama ŭ stvareńni i ŭdziele ŭ złačynnaj arhanizacyi.
Andrej byŭ zatrymany razam ź siabram. Pry im było znojdziena 0,044 hrama marychuany.
Taksama ŭ jaho telefonie byli kaardynaty zakładki.
Andrej Dubik byŭ pryznany vinavatym pa častcy 4 artykuła 328 KK — «Niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ» (dziejańni, učynienyja arhanizavanaj hrupaj) i pa častcy 2 artykuła 285 KK — «Udzieł u złačynnaj arhanizacyi».
Svaju vinu Andrej nie pryznavaŭ, była padadzienaja apielacyja na rašeńnie Minskaha haradskoha suda, adnak prysud pakinuty ŭ sile.
Kamientary