Litoŭskija ŚMI: Vilenski fond «Dapamoha» Natalli Kalehavaj vykarystoŭvaŭ machlarskija schiemy, kab zarabić na raźmiaščeńni biełaruskich emihrantaŭ
Litoŭski partał Lrt apublikavaŭ daśledavańnie pra dziejnaść arhanizacyi «Dapamoha», zasnavanaha biełaruskaj emihrantkaj Natallaj Kalehavaj i jaje mužam.
Siamja ŭžo daŭno žyvie ŭ Vilni i maje biznes pa zdačy kvater. Padčas pandemii prybytak ich kampanii «Nataleks» rezka skaraciŭsia, ale paśla biełaruskich prezidenckich vybaraŭ pajšoŭ uharu.
Žurnalisty śćviardžajuć, što schiema była takaja: Kalehava prapanoŭvała biełarusam-uciekačam kvatery ŭ Vilni, zdavała ich pa košcie, vyšej za rynkavy, a paśla jašče i prasiła kampiensacyju cany ŭ mižnarodnych fondach. Pry hetym publična zajaŭlała, što dapamahaje biaspłatna.
Kab atrymać bolš hrošaj z fondu, Kalehava mahła padroblivać dakumienty arendy. Aproč taho, žurnalisty znajšli falsifikavanyja miedycynskija daviedki. Hetyja dakumienty byli patrebnyja joj, kab dakazać, što biełarusy fizična paciarpieli i mieli patrebu ŭ materyjalnaj dapamozie.
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary