Studenta BDUIR Jana Sałanoviča, jakomu sud daŭ 114 sutak aryštu za maršy, adličyli z univiersiteta
Jana Sałanoviča, studenta BDUIR i eks-supracoŭnika navukova-techničnaha centra KDB, jakoha ŭ listapadzie — śniežni vosiem razoŭ sudzili za ŭdzieł u niadzielnych maršach, adličyli z univiersiteta.
U subotu jaho siamja atrymała z VNU adpaviedny list. U dakumiencie napisana, što Jan adličany z 12 studzienia 2021 hoda za «niepaśpiachovaść pa troch i bolš vučebnych pradmietach», piša Tut.by.
Jana Sałanoviča zatrymali 1 listapada padčas maršu ŭ Kurapaty. Nazaŭtra sud daŭ jamu 12 sutak, ale adsiedzieŭšy ich, na volu Jan tak i nie vyjšaŭ. Jak paźniej vyśvietliŭ advakat, padčas razboru małady čałaviek paviedamiŭ, što ŭ znak pratestu vychodziŭ na vulicu sa žniŭnia, i pieraličyŭ 15 epizodaŭ.
— Termin pa administracyjnych pravaparušeńniach dva miesiacy, tamu žnivień jamu «śpisali» i stali sudzić za astatni čas, — raspaviadała raniej Volha Sałanovič, mama maładoha čałavieka. — Pa našych padlikach, usiaho ŭ jaho pavinna być vosiem pasiadžeńniaŭ.
Tak i adbyłosia. U vyniku, kali skłaści sutki, jakija Jan atrymaŭ na ŭsich sudach, za kratami jon pavinien pravieści 114 dzion i vyjści na volu tolki ŭ kancy lutaha.
Jan znachodzicca na Akreścina treci miesiac. Za ŭvieś hety čas, kaža jahonaja mama Volha, siamja nie atrymała ad syna nivodnaha lista. Pieryjadyčna viestački ad Jana prylatajuć praź jaho sukamiernikaŭ, jakija vychodziać na volu. Apošniaja była dva tydni tamu: patelefanavaŭ mužčyna, jaki siadzieŭ z chłopcam. Jon paviedamiŭ, što ź Janam usio dobra.
— U subotu my atrymali list z univiersiteta, u im napisana, što syn nie zdaŭ zimovuju siesiju (3 zaliki, 5 ekzamienaŭ i kursavuju), tamu jaho adličvajuć, — raspaviadaje Volha. — Ja pakul nie viedaju, što rabić z hetaj infarmacyjaj. Dumaju, mnie treba dačakacca Jana. Kali jon vyzvalicca, jon sam pavinien vyrašyć: choča jon vučycca ŭ hetym univiersitecie ci nie. Tady i budziem niešta vyrašać.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary