Kijeŭ hatovy stać pasiarednikam u pracesie pieraadoleńnia isnujučaha ŭ Biełarusi palityčnaha kryzisu. Pra heta ŭ sieradu zajaviŭ ministr zamiežnych spraŭ Ukrainy Dźmitryj Kuleba.
«Naša dziaržava mahła b stać niejtralnym miedyjataram dla sadziejničańnia pieraadoleńniu palityčnaha kryzisu», — skazaŭ jon u kamientary ahienctvu RBK-Ukraina.
Pavodle jaho słoŭ, niahledziačy na apošnija padziei i zajavy Minska, Biełaruś zastajecca dla Ukrainy družalubnaj susiedskaj dziaržavaj.
Kuleba taksama zajaviŭ, što ŭ pytańni ŭviadzieńnia sankcyj u dačynieńni da Biełarusi Ukraina budzie zychodzić, pierš za ŭsio, z svaich nacyjanalnych intaresaŭ.
«Kali ES vyrašyć ŭvodzić sankcyi suprać Biełarusi, my budziem uvažliva vyvučać hetaje rašeńnie. Pakul jaho niama. Dla nas važnyja nacyjanalnyja intaresy Ukrainy, palityčnyja i ekanamičnyja», — padkreśliŭ kiraŭnik MZS.
«Naša dziaržava mahła b stać niejtralnym miedyjataram dla sadziejničańnia pieraadoleńniu palityčnaha kryzisu. Na žal, zamiest ruki siabroŭskaj dapamohi, jakuju praciahnuła Ukraina, Alaksandr Łukašenka pastaviŭ usio na zadušlivyja abdymki Uładzimira Pucina», — skazaŭ Kuleba.
Ciapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała35
Kamientary