U biełaruskuju «Kamsamołku» pryjšoŭ dziaržkantrol — praviarajuć słužbovyja kampjutary administracyi
U ZAT «BiełKP-PRES», kampaniju, jakaja źjaŭlajecca vydaŭcom «Kamsamolskaj praŭdy» ŭ Biełarusi» pryjšoŭ z pravierkaj Kamitet dziaržkantrolu. Hetuju infarmacyju TUT.BY paćvierdziła Natalla Haleźnik, hienieralny dyrektar ZAT «BiełKP-pres».
— Heta sumiesnaja pravierka dziaržkantrolu i padatkovaj — pryjšło 6 čałaviek. Pazapłanavaja, pryčyn nam nie patłumačyli, — skazała Natalla Alaksandraŭna.
Zaraz praviarajuć sierviery, prahladajuć słužbovyja kampjutary administracyi. Techniku ŭ redakcyi «Kamsamolskaj praŭdy» ŭ Biełarusi» pakul nie praviarajuć, kampanija praciahvaje pracavać.
Pradstaŭniki KDK paviedamili, što pravierka budzie doŭžycca da 6 kastryčnika.
Nahadajem, paśla vybaraŭ Biełaruskaja «KP» pryśviaciła niekalki numaroŭ aśviatleńniu padziej, jakija adbylisia ŭ krainie. Niekalki numaroŭ vydańnia nie byli nadrukavanyja pad roznymi padstavami. Apošnija vypuski haziety byli addrukavanyja ŭ Rasii, adnak uźnikli prablemy ź ich prodažam u kijoskach «Biełsajuzdruku» i z raspaŭsiudžvańniem pa padpiscy praz «Biełpoštu». Vydańnie možna kupić u handlovych sietkach, a taksama ŭ punkcie prodažaŭ «BiełKP-pres» na Płatonava 1B u Minsku.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary