«Nienaŭmysna paraniŭ jaho ŭ vobłaść hałavy»: milicyja ahučyła svaju viersiju zdareńnia z zahinułym pratestoŭcam u Breście
Siońnia ŭ vajskovym špitali Minska pamior 43-hadovy bieraściejec Hienadź Šutaŭ. Jon atrymaŭ ahniastrelnaje ranieńnie ŭ hałavu 11 žniŭnia ŭ rajonie Maskoŭskaj administracyi Bresta padčas pratestaŭ. Daktary zmahalisia za jaho žyćcio, adnak siońnia ranicaj jon pamior.
Śledčy kamitet apublikavaŭ svaju viersiju zdareńnia:
«Pa dadzienych śledstva, 11 žniŭnia ŭ Breście dvoje mužčyn ździejśnili napad na asob, jakija vykonvali zadačy pa achovie hramadskaha paradku pry praviadzieńni niesankcyjanavanaha masavaha mierapryjemstva.
Padčas napadu mužčyny nanosili ŭdary, vykarystaŭšy mietaličnuju trubu, a taksama raspačali sprobu zavałodańnia ahniastrelnaj zbrojaj, što paćviardžajecca materyjałami, jakija jość u śledstva.
Papiarednie vyjaŭlena, što, spyniajučy supraćpraŭnyja dziejańni napadnikaŭ, pravaachoŭniki ŭžyli fizičnuju siłu. Adzin ź ich, usprymajučy dziejańni padazravanych jak realnuju pahrozu žyćciu i zdaroŭju i spyniajučy sproby zavałodać tabielnaj zbrojaj, užyŭ u dačynieńni da napadnika zbroju, streliŭšy ŭ kirunku plača. Adnak, z pryčyny aktyŭnaha supracivu mužčyny, nienaŭmysna paraniŭ jaho ŭ vobłaść hałavy», — havorycca ŭ zajavie Śledčaha kamiteta.
Kamientary