U toj čas jak demanstranty ad Steły rušyli ŭ bok centra, u rajonie Niamihi sustreli Paŭła Łatušku, dyrektara Kupałaŭskaha teatra. Da jaho padychodzili minaki i kazali dziakuj, piša TUT.BY.
— Minsk nie bačyŭ takoha, kraina nie bačyła takoj kolkaści ludziej, jakija siońnia vyjšli dla taho, kab vykazać svaju hramadzianskuju pazicyju. Faktyčna my siońnia možam kanstatavać, što ŭ Biełarusi stvarajecca hramadzianskaja płatforma, i ŭ jaje asnovu pavinny być pakładzieny nastupnyja pryncypy: nie — hvałtu, tak — pravu, tak — zakanadaŭstvu, tak — vykanańniu zakonaŭ u našaj krainie. Nastupny pryncyp — my chočam pieramien, transfarmacyj, kab pačaŭsia praces źmien, — zajaviŭ Pavieł Łatuška. — Heta naśpieła, i ludzi hetaha chočuć, heta, biezumoŭna, paćviardžaje taja kolkaść manifiestantaŭ, jakaja siońnia pryjšła na hetaje mierapryjemstva.
Dyrektar teatra, były ministr kultury, padkreśliŭ: ludzi vystupajuć suprać hvałtu.
— Tyja fakty, jakija mieli miesca asabliva ŭ apošnija dni i, na žal, mieli miesca i raniej, śviedčać ab tym, što faktyčna ŭ hrubaj formie parušajecca dziejučaje zakanadaŭstva Biełarusi, pryncypy mižnarodnaha prava. Ułada adkryła skryniu Pandory.
Heta aznačaje, što kali siońnia nie budzie dadziena pravavaja acenka dziejańniam słužbovych asob, jakija ździajśniali hetyja ŭčynki, nie budzie ŭžyta sudovaja pracedura pry razhladzie acenki hetych situacyj, u budučyni kožny hramadzianin našaj krainy — adzin, dvoje, 10, 100 tysiač, miljony — mohuć być schilnyja hvałtu i heta nie budzie pakarana. Kali my nie ździejśnim hetuju pravavuju acenku, my faktyčna padajem ŭ biezdań.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ112
Kamientary