50 vypusknikoŭ radyjofiziki BDU źviarnulisia da členaŭ vybarčych kamisij
Vypuskniki fakulteta radyjofiziki BDU roznych hadoŭ skłali adkryty zvarot da členaŭ vybarčych kamisij.
My — hramadzianie Respubliki Biełaruś
My skončyli fakultet radyjofiziki BDU, chtości niadaŭna, chtości bolš za čverć stahodździa tamu. My lubim Biełaruś i pavažajem ludziej, jakija ŭ joj žyvuć.
My žyviom u hetaj krainie ci nieparyŭna ź joj źviazanyja i chočam, kab u joj žyli našy dzieci, upeŭniena hledziačy ŭ budučyniu. My majem prava svabodna abirać i być abranymi ŭ dziaržaŭnyja orhany na asnovie ŭsieahulnaha, roŭnaha, pramoha abo ŭskosnaha vybarčaha prava pry tajemnym hałasavańni.
Čym my niezadavolenyja
My niezadavolenyja tym, što naša zakonnaje prava na sumlennyja vybary parušajecca.
My niezadavolenyja tym, što vybarčaja kampanija pieratvaryłasia ŭ žorstkuju i nieprymalnuju baraćbu ź inšadumstvam.
My niezadavolenyja tym, što samyja mocnyja alternatyŭnyja pretendenty na pasadu prezidenta źniatyja z dystancyi na starcie.
My niezadavolenyja tym, što niezaležnyja kandydaty nie prajšli va ŭčastkovyja vybarčyja kamisii.
My niezadavolenyja tym, što na ŭčastki abmiežavany dostup naziralnikaŭ.
My niezadavolenyja tym, što tych, chto vychodzić na mirnyja akcyi pratestu ci prosta apynuŭsia pobač ź imi, chapajuć na vulicach, kidajuć u aŭtazaki i sadžajuć.
Da kaho my źviartajemsia
My źviartajemsia da členaŭ vybarčych kamisij usich uzroŭniaŭ.
Čaho my chočam
Paličycie našy hałasy.
Dapamažycie ŭbačyć, kolki nasamreč takich ža niezadavolenych, jak my.
Prosta paličycie našy hałasy.
Tamu što heta našy hałasy i heta my vybirajem prezidenta.
Prosta ščyra paličycie našy hałasy.
Vybar jość zaŭsiody.
A ŭ nas pavinny być vybary.
Bo paasobku my prosta ludzi, a razam — narod Biełarusi.
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary