Minzdaroŭja: Prahnozy ab płaŭnym źnižeńni zachvorvańnia na karanavirus spraŭdžvajucca
U Biełarusi prahnozy na červień ab płaŭnym źnižeńni zachvorvańnia na karanavirus spraŭdžvajucca. Pra heta ŭ efiry ANT raspaviała namieśnik ministra — hałoŭny dziaržaŭny sanitarny doktar Biełarusi Natalla Žukava.

«My adsočvajem epidsituacyju i možam kazać pra toje, što siońnia kolkaść zachvorvańniaŭ źnižajecca. Prahnozy, jakija byli zroblenyja raniej na červień miesiac ab płanym źnižeńni zachvorvańnia, spraŭdžvajucca. Jość terytoryi, dzie zachvorvańnie praktyčna minimalnaje, jość terytoryi, dzie jašče epidpraces praciahvajecca, ale ŭ cełym my bačym stanoŭčuju dynamiku», — adznačyła namieśnik ministra.
Natalla Žukava ličyć, što druhaja chvala virusa nie vyklučana.
«Va ŭsialakim vypadku, sistema achovy zdaroŭja rychtujecca da hetaha. My budziem nazirać za krainami, jakija siońnia znachodziacca niekalki ŭ inšaj stadyi, dzie infiekcyja ŭ tym vyhladzie, u jakim my nazirali jaje ŭ sakaviku i krasaviku, dzie hety epidpraces zaviaršyŭsia, i budziem rabić vysnovy i budavać prahnozy», — padkreśliła hałoŭny dziaržaŭny sanitarny doktar krainy.
Kamientary