U Hrodnie AMAP zatrymaŭ błohiera Siarhieja Cichanoŭskaha i jaho apieratara. Zatrymańnie trapiła ŭ žyvy efir.
Spačatku ŭ kadry źjavilisia dźvie žančyny-pravakatarki, jakija patrabavali, kab Cichanoŭski adkazaŭ na ich pytańni. Błohier sychodziŭ ad ich, ale jany pieraśledavali jaho.
Nieŭzabavie źjavilisia dvoje milicyjantaŭ. Adzin ź ich paciahnuŭ Cichanoŭskaha za ruku, ludzi kinulisia adbivać błohiera.
U hetaj mituśni niechta šturchanuŭ milicyjanta, jon upaŭ.
Tut i źjaviŭsia AMAP, jaki zatrymaŭ Cichanoŭskaha.
«Chłopcy, niejkaja pravakacyja, my ničoha nie rabili», — paśpieŭ skazać błohier.
Zatrymanych adviali ŭ mikraaŭtobus. Ludzi sprabavali nie dać jamu źjechać, ale milicyi ŭdałosia źvieźci błohiera. Jon i inšyja zatrymanyja znachodziacca va UUS Hrodzienskaha abłvykankama. Paviedamlajecca pra 10 zatrymanych.
Kala UUS znachodziacca dziasiatki ludziej. Jany patrabujuć adpuścić błohiera.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary