Rasijskija vajskoŭcy 8 červienia praviaduć pieršuju repietycyju parada Pieramohi, jaki sioleta ŭ Maskvie vyrašyli pravieści 24 červienia z-za pandemii karanavirusa, piša rbc.ru.
Repietycyi ŭ padmaskoŭnym Ałabinie praciahnucca da 15 červienia. Pieršuju repietycyju ŭ Maskvie płanujecca pravieści 17 červienia. A 20 červienia na Čyrvonaj płoščy adbudziecca hienieralnaja repietycyja parada.
U im voźmuć udzieł piešaja i miechanizavanaja kałony, a taksama 75 samalotaŭ.
Pakažuć 23 typu ŭzoraŭ novaj i madernizavanaj techniki. Pa Krasnaj płoščy ŭpieršyniu projduć tanki T-90M i T-80BVM, bajavyja mašyny piachoty «Kurhaniec-25» i «Armata» z 57-mm bajavymi modulami, bajavaja mašyna piachoty BMP-2 z bajavym adździaleńniem «Bieražok», reaktyŭnaja sistema załpavaha ahniu «Tarnada-S», ciažkaja ahniamiotnaja sistema THS-2, zienitnaja rakietnaja sistema S-300V4, a taksama bierahavy rakietny kompleks «Bal».
U paradzie voźmie ŭdzieł arkiestr z 900 čałaviek. Častka ź ich słužyć u Maskvie, astatnija na nastupnym tydni pryjeduć ź inšych harnizonaŭ.
Pavodle apošnich źviestak, Rasija znachodzicca na trecim miescy ŭ śviecie pa kolkaści zaražanych karanavirusam (379 tysiač), 4142 čałavieki pamierli ad uskładnieńniaŭ, vyklikanych infiekcyjaj.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ10
Kamientary