Bijołah patłumačyła, u kaho farmujecca imunitet da karanavirusa
Mocny i praciahły imunitet farmujecca tolki ŭ 7—8% pierachvarełych na COVID-19, niaredka samy ŭstojlivy imunitet atrymlivajuć pacyjenty, u jakich chvaroba prachodziła ciažka, paviedamiła ria.ru doktar bijałahičnych navuk, prafiesar Škoły sistemnaj bijałohii GMU ŭ ZŠA Anča Baranava.
«U nas jość ludzi, jakija pierachvareli, u ich była tempieratura i kašal, ale ŭ ich niama antyciełaŭ da karanavirusa (takich pacyjentaŭ kala siami-vaśmi adsotkaŭ). Heta značyć, što jany pazbavilisia ad infiekcyi z dapamohaj interfieronaŭ, jakija apieratyŭna vypracoŭvajucca ŭ arhaniźmie čałavieka ŭ adkaz na virus. U hetym vypadku interfierony sami spravilisia, i antycieły nie ŭźnikli, tamu ŭ hetych pierachvarełych niama imunitetu da COVID-19», — skazała Baranava.
Pa słovach bijołaha, procivahu hetaj hrupie pacyjentaŭ składajuć pierachvarełyja na karanavirus ludzi ź vialikaj kolkaściu antyciełaŭ i dobrym imunitetam. Takich ludziej taksama siem-vosiem adsotkaŭ.
«U nas jość supier-ludzi, u jakich taki mahutny imunny adkaz, što ich antycieły možna vykarystoŭvać dla lačeńnia inšych ludziej kanvalescentnaj płazmaj, što i robicca», — dadała Baranava.
Ekśpiert adznačyła, što pamiž hetymi dźviuma hrupami raźmiaścilisia astatnija pierachvarełyja na karanavirus. U ich uźnikaje imunitet roznaj siły, adnak jak minimum u 40% jon davoli słaby.
U niekatorych pierachvarełych, pa słovach Baranavaj, uzrovień antyciełaŭ, to bok imunitet, prykmietna padaje na praciahu miesiaca. U hetaj hrupy zdarovych uźnikaje ryzyka paŭtornaha zaražeńnia.
«Usio heta — vynik prostaj tezy, što ludzi roznyja i pa-roznamu pieranosiać zachvorvańnie. Navukoŭcy vyśvietlili, što bolš tryvały imunitet — u ludziej starejšaha vieku, jakija pieranieśli ciažkuju formu COVID-19», — skazała ekśpiert.
Jak udakładniła bijołah, hetyja viedy pra toje, jak i ŭ kaho farmujecca imunitet da COVID-19, atrymanyja kitajskimi navukoŭcami padčas abśledavańnia 171 pacyjenta. Daśledavańni prachodzili pad kiraŭnictvam prafiesara Fan Vu (Fum Wu) u Šanchajskim miedycynskim centry i šerahu inšych navukovych ustanoŭ.
-
Samsung prapanuje srodak ad młosnaści padčas pajezdki — śpiecyjalny huk sinusoidnaj chvali praz słuchaŭki
-
IT-hihanty masava zvalniajuć supracoŭnikaŭ, kab apłacić vykarystańnie štučnaha intelektu
-
Navukoŭcy razhadali adzin z hałoŭnych sakretaŭ Vialikaj piramidy — jak jana zdoleła vystajać padčas ziemlatrusaŭ
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ11
Kamientary