Vienhryja budzie nadavać padtrymku biznesu pa niamieckaj madeli Kurzarbeit. Akramia taho, praduhledžvajucca padatkovyja lhoty i kredytnyja subsidyi.
Usiaho ŭrad padrychtavaŭ pakiet zachadaŭ pa stymulavańni biznesu na sumu, roŭnuju prykładna 18—20% VUP — kala 9,5 tryljonaŭ foryntaŭ, abo $30 miljardaŭ, piša Rojterz.
Madel Kurzarbeit praduhledžvaje dziaržaŭnyja dapłaty pradpryjemstvam roznych formaŭ ułasnaści, kab jany na čas kryzisu nie zvalniali rabotnikaŭ, a vypłačvali im zarobak častkova. Hetaja madel dobra siabie zarekamiendavała ŭ Niamieččynie paśla kryzisu 2008—2009 hadoŭ.
Vienhryja — kraina z nasielnictvam prykładna jak u Biełarusi, jakaja ŭvachodzić u Jeŭrasajuz. Jana taksama była sacyjalistyčnym satelitam Savieckaha Sajuza. Ciapier jaje VUP na dušu nasielnictva pieravyšaje biełaruski prykładna ŭ try razy, a ŭ pieraliku pa parytecie kupčaj zdolnaści — na 65%.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary