Złučanyja Štaty ź piatnicy, 13 sakavika na 30 dzion uvodziać zabaronu na ŭjezd u krainu zamiežnikaŭ, jakija prybyvajuć ź jeŭrapiejskich dziaržaŭ. Vyklučeńnie budzie zroblena tolki dla Vialikabrytanii. Pra heta paviedamiŭ prezident ZŠA Donald Tramp, vystupajučy ŭ sieradu ŭviečary z telezvarotam da suhramadzian u suviazi z pašyreńniem karanavirusa, piša tass.ru.
Tramp patłumačyŭ pavieličeńnie maštabaŭ raspaŭsiudu karanavirusa ŭ ZŠA tym, što Jeŭrapiejski sajuz nie pryniaŭ nieabchodnych mier dla abmiežavańnia pajezdak.
«U samym pačatku ŭspyški my ŭstalavali maštabnyja abmiežavańni na ŭjezd z Kitaja i ŭviali ŭ dziejańnie pieršy za 50 hadoŭ karancin na fiederalnaj uzroŭni. My abviaścili nadzvyčajnuju situacyju ŭ śfiery achovy zdaroŭja i ŭstalavali samy vysoki ŭzrovień zaściarohi ad pajezdak u inšyja krainy, kudy raspaŭsiudžvałasia hetaja žudasnaja infiekcyja», — skazaŭ jon.
«Paśla pryniaćcia hetych rańnich i vielmi surjoznych mier u Złučanych Štatach było značna mienš vypadkaŭ zaražeńnia virusam, čym ciapier majecca ŭ Jeŭropie», — adznačyŭ Tramp. «Jeŭrapiejski sajuz nie pryniaŭ takija ž miery zaściarohi i nie abmiežavaŭ ujezd z Kitaja i inšych miescaŭ pašyreńnia. U vyniku tyja, chto pryjazdžaje ź Jeŭropy, stvaryli ŭ ZŠA vialikuju kolkaść novych ačahoŭ», — pierakanany kiraŭnik Biełaha doma.
Ciapier čytajuć
Chto toj chłopiec, jaki čakaŭ dziaŭčynu pad daždžom u Minsku? Vy dakładna bačyli toje ramantyčnaje videa4
Kamientary