U ZŠA pa vynikach «supieraŭtorka» — prajmieryz pa vyłučeńni delehataŭ na nacyjanalny źjezd — kandydat ad demakrataŭ, były vice-prezydent ZŠA Džo Bajden pieramahaje ŭ 9 štatach z 14. Pa apošnich źviestkach, Bajden apiaredziŭ sienatara ad Viermonta Bierni Sandersa ŭ Techasie, pieradaje CNN.
Da hetaha lidarstva Bajdena vyznačyłasia ŭ Ałabamie, Akłachomie, Paŭnočnaj Karalinie, Virdžynii, Akłachomie, Tenesi, Arkanzasie, Masačusetsy i ŭ Miniesocie.
Sanders pieramoh u Viermoncie, Jucie i Kałarada i Kalifornii.
Z ulikam raniejšych prajmieryz, u Bajdena zaraz 414 hałasoŭ budučych delehataŭ, Sandersa — 334, Elizabiet Uoren —40, Majkła Błumbierha — 33, Tułsi Habard — 1.
Kab atrymać naminacyju na źjeździe Dempartyi (h.zn. być aficyjna vyłučanym na vybary), treba 1991 hołas.
Były mer Ńju-Jorka Majkł Błumbierh atrymaŭ pieramohu na adnoj terytoryi — u Amierykanskim Samoa.
Na prajmieryz respublikancaŭ u bolšaści štataŭ pieramahaje dziejny prezident ZŠA Donald Tramp.
Vybary ŭ ZŠA projduć 3 listapada.
Varta adznačyć, što vybary ŭ Biełarusi projduć nie paźniej za 30 žniŭnia, a prajmieryz startujuć tolki ŭ hetuju piatnicu.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ5
Kamientary