Vy nie pavierycie, ale hurtu Recha Andrusia Takindanha spaŭniajecca 18 hadoŭ. Pasłuchajcie ich žyvy vystup z novymi pieśniami VIDEA
Pa častcy vystupaŭ u Biełarusi i videa da svaich piesień jany siarod samych aktyŭnych vykanaŭcaŭ krainy, ale Recha nie śpiašajucca sa studyjnymi zapisami. U dyskahrafii hurta ŭsiaho dva albomy, z-za hetaha, mahčyma, i składana pavieryć u toje, što Recha sioleta spravić paŭnahodździe.
Nie samuju aktyŭnuju studyjnuju pracu Andruś Takindanh tłumačyć tym, što zapis piesień — nie nastolki viasioły praces, jak kancertnyja vystupy. U studyi muzyki pačynajuć zahaniacca, čym marudziać vychad novych albomaŭ.
U studyi Belsat Music Live hurt Recha vykanaŭ piać piesień, čatyry ź jakich — premjery. Adna ź ich, «Kryžy», była napisanaja pad uražańniem ad kryžałomu ŭ Kurapatach. A ŭ hutarcy ź viadučaj prahramy Miraj Šulc udzielniki Recha raskazali pra pracu ŭ roznych muzyčnych kalektyvach, vystupy ŭ hłybincy i na karparatyvach dy šmat inšych cikavostak.
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć ź viadučymi pra svaju tvorčaść.
Padpišyciesia na kanał!
Čytajcie taksama:
Jak dobra vy viedajecie Belsat Music Live, adzin z najlepšych prajektaŭ pra biełaruskuju muzyku? TEST
Biełaruski hurt padčas amierykanskaha tura daŭ 113 kancertaŭ za 73 dni. Pahladzicie ich žyvy vystup VIDEA
Hety biełaruski hurt vydaŭ albom na amierykanskim łejble i razryvaje Kitaj, a vy pra jaho mahli nie čuć. Pasłuchajcie ich žyvy vystup VIDEA
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary