U 2020-m možna budzie dalacieć z Homiela ŭ Hrodna i z Bresta ŭ Viciebsk?
Ministerstva transpartu i kamunikacyj Biełarusi vyvučaje mahčymaść adkryćcia ŭ 2020 hodzie rejsaŭ pamiž rehijanalnymi aeraportami, paviedamiŭ karespandentu BiełTA dyrektar Departamienta pa avijacyi Mintransa Arciom Sikorski.
«My ciapier dumajem nad prajektami pa pieralotach pamiž abłasnymi haradami. Raniej heta było ekanamična niemetazhodna, ale kali aeraporty stali ažyvać, ekanamičnaja situacyja pačynaje palapšacca, heta spryjaje pavieličeńniu ŭ cełym pasažyrapatoku», — adznačyŭ Arciom Sikorski.
Pavodle jaho słoŭ, paloty moža vykonvać nie tolki biełaruski pieravozčyk, ale i rasijskija avijakampanii, jakija prajavili cikavaść da prajekta. U jakaści mahčymaha pieravozčyka razhladajucca i ŭkrainskija kampanii.
«My razhladajem zaraz paloty na doŭhija adlehłaści, jak Homiel — Hrodna, Brest — Viciebsk. Čamu hety prajekt doŭha idzie: nieabchodna, kab była ekanamičnaja metazhodnaść jak dla ekspłuatanta, tak i dla pasažyra. Kali čałaviek hatovy zapłacić niejkuju sumu, ale dabracca značna chutčej, jamu budzie vyhadny pieralot», — dadaŭ Arciom Sikorski.
Kamientary