Pieršy namieśnik staršyni Biełarusbanka, jakoha letaś asudzili na 7,5 hoda, užo na voli
Asudžany ŭ vieraśni 2018 hoda na 7,5 hoda pazbaŭleńnia voli były pieršy namieśnik staršyni Biełarusbanka Hienadź Haspadaryk vyjšaŭ na volu. Pra heta tut.by paviedamiła niekalki nie źviazanych pamiž saboj krynic.
Byłoha pieršaha namieśnika staršyni praŭleńnia Biełarusbanka Hienadzia Haspadaryka zatrymali ŭ červieni 2016 hoda ŭ momant atrymańnia chabaru ŭ pamiery 14 tysiač dalaraŭ. Pa viersii śledstva, ad 2010 da 2015 hoda jon atrymaŭ bolš za 215 tysiač dalaraŭ. Hrošy pastupali ad niekalkich kampanij za pieramohu ŭ tendarach na pastaŭku bankaŭskaha abstalavańnia. Pa ŭsich siami epizodach, źviazanych z atrymańniem chabaru, Haspadaryk pryznaŭ vinu. Jon taksama pahasiŭ škodu ŭ 200 tysiač dalaraŭ. U vieraśni 2018 hoda sud daŭ jamu 7,5 hoda pazbaŭleńnia voli.
Jak raspaviali tut.by krynicy, u siaredzinie listapada 2019 hoda Haspadaryk vyjšaŭ na volu. Pa słovach adnaho z surazmoŭcaŭ partała, jaho pamiłavaŭ prezident.
Uličvajučy, što Haspadaryk znachodziŭsia pad vartaj ź leta 2016 ha, jon adbyŭ bolš za pałovu pryznačanaha terminu.
Adznačym, što heta nie adziny vypadak pamiłavańnia bujnych bankiraŭ za apošnija niekalki hadoŭ. Tak, u 2018 hodzie na volu vyjšaŭ były vykanaŭčy dyrektar Biełarusbanka Anatol Bahavik, jakoha raniej prysudzili da 8 hadoŭ pazbaŭleńnia voli. Paśla vyzvaleńnia jon pracaŭładkavaŭsia pamočnikam kiraŭnika ŭ kampaniju «BR-Kansałt», jakaja źjaŭlajecca daččynaj strukturaj Banka raźvićcia.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary