Z 1 studzienia myta za ŭvoz «niepadzielnych» tavaraŭ značna źnizicca
Z 1 studzienia 2020 hoda tavar, da jakoha ciapier užyvajecca paniaćcie «niepadzielny», uklučajecca ŭ vahu i košt tavaru. Adpaviedna raźlik płaciažoŭ budzie pravodzicca tolki ź pieravyšeńnia vartasnaj abo vahavaj normaŭ (z ulikam vašaj častaty pierasiačeńnia mytnaj miažy), pieradaje Hrodzienskaja mytnia.
Nahadvajem, što siońnia biaspošlinna možna zavieźci tavary, košt jakich nie pieravyšaje sumu 500 jeŭra i (abo) vaha nie pieravyšaje 25 kh, a ŭ vypadku pierasiačeńnia miažy čaściej, čym adzin raz na praciahu 3-ch kalandarnych miesiacaŭ, košt takich tavaraŭ nie pavinien pieravyšać sumu, ekvivalentnuju 300 jeŭra, i ahulnaja vaha — nie bolš za 20 kh.
Ciapier pad «niepadzielnym tavaram» dla asabistaha karystańnia majuć na ŭvazie tavar dla asabistaha karystańnia vahoj bolš za 35 kh, jaki składajecca z adnoj adzinki tavaru, pry ŭmovie, što padzieł takoha tavaru niemahčyma bieź źmieny jaho pryznačeńnia.
Z 1 studzienia 2020 hoda pry ŭvozie pasudamyjnaj mašyny vahoj 36 kh i koštam 300 jeŭra mytnyja płaciažy buduć vypłačvacca pa staŭkach 30% ad koštu, ale nie mienš jak 4 jeŭra za 1 kh vahi ŭ častcy pieravyšeńnia vartasnaj i (abo) vahavaj normaŭ.
Naprykład, kali ŭ budučyni vy budziecie pierasiakać mytnuju miažu radziej, čym 1 raz na 3 kalandarnyja miesiacy i ŭvozić tolki hety tavar, to suma myta składzie 44 jeŭra (11 kh*4 jeŭra).
Na siońnia ŭ dačynieńni da «niepadzielnych tavaraŭ» vypłačvajucca płaciažy pa staŭkach 30% ad koštu, ale nie mienš jak 4 jeŭra za kožny kiłahram vahi, h.zn. za ŭvoz «pasudamyjnaj mašyny» nieabchodna vypłacić 36 kh*4 jeŭra = 144 jeŭra. Taksama dadzieny tavar nie ŭklučajecca ŭ vahu i košt tavaraŭ.
Ciapier čytajuć
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary