U subotu ŭ Minsku projdzie źjezd BCHD.
28 lutaha a 9:30 ŭ Pałacy kultury MTZ projdzie ŭstanoŭčy źjezd Biełaruskaj chryścijanskaj demakratyi.Napiaredadni pa ŭsioj krainie prajšło 63 schody dla vyłučeńnia svaich delehataŭ na źjezd. Usiaho ŭ dakumientach partyi značycca 1057 zasnavalnikaŭ. U pracy ž źjezdu budzie prymać udzieł 211 čałaviek.
Pavodle adnaho z sustaršyniaŭ BCHD Alaksieja Šeina, svoj udzieł u pracy źjezdu paćvierdzili hości z Hałandyi, Narviehii, Ukrainy, Anhlii. Budzie lider chryścijanskich demakrataŭ Finlandyi Pavie Rasanien. Nie pryjeduć Makkiejn i Švarceniehier.
Ź biełaruskich palitykaŭ buduć Alaksandr Milinkievič, Alaksandr Kazulin, Anatol Labiedźka, Lavon Barščeŭski, Mikoła Statkievič, Źmicier Daškievič. Paśla skančeńnia pracy źjezdu płanujecca ŭskładańnie kvietak da Archikatedralnaha kaściołu, dzie ŭ 1917 hodzie była zasnavanaja Biełaruskaja chryścijanskaja złučnaść. Takim čynam siońniašnija chadeki chočuć prademanstravać pierajemnaść pakaleńniaŭ.
Pavał Sieviaryniec zaznačyŭ, što hałoŭnymi pryjarytetami dziejnaści BCHD budzie praviadzieńnie kampanij «Mocnaja siamja — mocnaja Biełaruś», «Lublu Biełaruś», pakajańnia za złačynstvy kamunizmu, ab svabodzie sumleńnia, suprać mahii i akultyzmu. Taksama BCHD płanuje raspracavać svaju ekanamičnuju płatformu.
Na dadzieny momant jość try kandydatury, adnym ź jakich źjaŭlajecca Vital Rymašeŭski.Na źjeździe taksama budzie vyłučany kandydat u prezidenty ad BCHD.
«Partyja stvarajecca nie dla apazicyi, a dla alternatyvy», — kaža Pavieł Sieviaryniec. U ramkach ADS chadeki siabie nie bačać.
Siaredni ŭzrost siabra BCHD składaje 35,6 hadoŭ. «Budziem pracavać kab było 36,6», — śmiajecca P.Sieviaryniec.
Kamientary