Śpikier Pałaty pradstaŭnikoŭ Andrejčanka: Emocyjam u parłamiencie nie miesca
Śpikier Pałaty pradstaŭnikoŭ Uładzimir Andrejčanka ŭ efiry BT-1 zajaviŭ, što pytańni, jakija razhladajucca ŭ parłamiencie, zakranajuć los krainy, tamu pavinny abmiarkoŭvacca bieź vidoviščaŭ i emocyj.
«Ja zaŭsiody byŭ prychilnikam spakojnaj, stabilnaj pracy. Pa vidoviščy treba chadzić nie ŭ Avalnuju, a inšyja zały. Pa emocyi — kali łaska, u cyrk možna chadzić. A tut usio ž, u parłamiencie, razhladajucca surjoznyja pytańni. Pytańni, jakija zakranajuć los krainy, kožnaha z žycharoŭ Respubliki Biełaruś», — skazaŭ Andrejčanka.
«Dumaju, mardaboj, jaki adbyvajecca ŭ asobnych parłamientach, nie najlepšy pakazčyk», — dadaŭ śpikier.
Kamientary