Unučka amierykanskaha palityka, byłoha hienieralnaha prakurora Robierta Kenedzi — małodšaha brata prezidenta ZŠA — Sirša Kenedzi Chił pamierła ŭ čaćvier ad pieradaziroŭki narkotykami, paviedamlajuć infarmahienctvy.
22-hadovaja dziaŭčyna skanała ŭ siamiejnym majontku Kenedzi ŭ miastečku Chajenis-port (štat Masačusets). U zajavie svajaki zahinułaj adznačyli, što «jaje serca było napoŭniena marami, nadziejami i luboŭju». «Našy sercy raźbityja paśla straty našaj lubimaj Siršy», — padaje vydańnie ich słovy.
Pravaachoŭnyja orhany pačali rasśledavańnie. Aficyjnaja pryčyna śmierci na dadzieny momant nie paćvierdžanaja.
The New York Times adznačaje, što dziaŭčyna raniej pryznavałasia ŭ tym, što pakutuje ad depresii. Sirša Kenedzi była adzinym dziciem Kortni Kenedzi Chił — dački Robierta Kenedzi i jaho žonki Etel — i Poła Majkła Chiła.
Robiert Kenedzi (1925—1968) byŭ trecim z čatyroch synoŭ siamiejstva Kenedzi. Zajmaŭ ad 1961 da 1964 hoda pa pryznačeńni svajho starejšaha brata — prezidenta ZŠA Džona Kenedzi — pasadu hienieralnaha prakurora ZŠA. Pamior 6 červienia 1968 paśla śmiarotnaha ahniastrelnaha ranieńnia ŭ vyniku zamachu.
Kamientary