Ukrainski sud dazvoliŭ mužčynu nazyvać mera horada «Handonam»
Kijeŭski apielacyjny sud spyniŭ spravu ŭ dačynieńni da mužčyny, jaki źviarnuŭsia da mera horada Teciiŭ Kijeŭskaj vobłaści słovam «Handon», paviedamlaje «Sudovij rieportier». Pa słovach adkazčyka, jon prosta paraŭnaŭ čynoŭnika z francuzskim piśmieńnikam-fantastam Ivam Handonam.
U krasaviku hetaha hoda adbyŭsia hramadski schod z nahody zarybleńnia raki Rośka dziaržaŭnym pradpryjemstvam «Servis» pa inicyjatyvie Teciiŭskaj haradskoj rady. Schod prachodziŭ na vulicy i hramadzianie vykazvali svaju niazhodu ź dziejańniami mera. Adzin z udzielnikaŭ dyskusii Ihar Saŭłuk abvinavaciŭ mera Rusłana Majstruka ŭ publikacyi iłžyvaj infarmacyi. U pryvatnaści — pakazvajučy na čynoŭnika, zajaviŭ, što takija voś «Handony» pišuć niapraŭdu.
U mai Teciiŭski sud pryznaŭ mužčynu vinavatym u drobnym chulihanstvie i aštrafavaŭ na $2.
Sam parušalnik viny nie pryznavaŭ i pierakonvaŭ, što mieŭ na ŭvazie francuzskaha piśmieńnika-fantasta Iva Handona, tamu heta nie źjaŭlajecca abraźlivym niecenzurnym słovam.
Mužčyna padaŭ apielacyju, i paśla Kijeŭski apielacyjny sud śpiecyjalna pierahledzieŭ videa sprečki i pryjšoŭ da vysnovy, što frazaj «Handon» u kantekście razmovy čałaviek sapraŭdy paraŭnaŭ mera z francuzskim piśmieńnikam-fantastam Ivam Handonam, pakolki ličyŭ, što toj raspaviadaje fantastyčnyja rečy.
Sud nie ŭbačyŭ dokazaŭ taho, što čałaviek słovam «Handon» chacieŭ pakryŭdzić mera.
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary