Navukoŭcy z Rasijskaj akademii navuk paskardzilisia na kasmanaŭtaŭ: nie chočuć zdavać śpiermu
Rasijskija navukoŭcy nie mohuć pravieści daśledavańni pa vyvučeńni ŭpłyvu faktaraŭ kaśmičnaha palotu na śpiermatahieniez z-za niežadańnia rasijskich kasmanaŭtaŭ zdavać bijamateryjał, raspaviała ŭ intervju RIA Novosti zahadčyca łabaratoryi bijafiziki kletki Instytuta miedyka-bijałahičnych prablem Rasijskaj akademii navuk Iryna Ohnieva.
«My nie možam pravieści praz Kaardynacyjnuju navukova-techničnuju radu, jakaja ŭchvalaje praviadzieńnie ekśpierymientaŭ na rasijskim siehmiencie MKS, takuju rucinnuju praceduru jak zdaču kasmanaŭtami śpiermahramy. Pastajanna natykajemsia na pieraškody maralna-psichałahičnaha i etyčnaha charaktaru. Achvotnikaŭ siarod kasmanaŭtaŭ nie znachodzicca», — skazała jana.
Pa słovach Ohnievaj, navukovaja zadača pa atrymańni bijamateryjału va ŭmovach kosmasu «vyklikaje va ŭsich uśmiešku i nieprymańnie». U vyniku rasijskija navukoŭcy nie mohuć pravieści ekśpierymient pa daśledavańni śpiermatahieniezu ŭ kasmanaŭtaŭ da, padčas i paśla palotu.
Kamientary