Krainy tak zvanaj Bucharesckaj dziaviatki praviali samit u słavackim horadzie Košyce. Pa vynikach samitu była pryniata dekłaracyja, u jakoj havorycca pra pahrozu z boku Rasii i hieapalityčnaje značeńnie Krymskaha mosta, paviedamlaje RBK sa spasyłkaj na rumynskaje ahienctva Actmedia.
«Bucharesckaja dziaviatka» była stvorana ŭ 2015 hodzie na fonie kryzisu pamiž Rasijaj i NATA. U «Bucharesckuju dziaviatku» uvachodziać postkamunistyčnyja krainy Uschodniaj Jeŭropy — Rumynija, Bałharyja, Čechija, Vienhryja, Słavakija, Polšča, Estonija, Łatvija i Litva. Usie hetyja krainy, akramia Čechii, na samicie pradstaŭlali prezidenty, ad Prahi — śpikier parłamienta. U samicie, jaki byŭ prymierkavany da 70-j hadaviny zasnavańnia NATA, taksama braŭ udzieł hienieralny sakratar aljansu Jens Stołtenbierh.
«Krymski most źjaŭlajecca instrumientam realizacyi hieapalityčnych metaŭ Rasii», zajavili lidary Uschodniaj Jeŭropy ŭ dekłaracyi, padpisanaj u słavackim Košyce.
U vynikovaj dekłaracyi krainy zajavili i pra važnaść prysutnaści NATA na prastory ad Bałtyki da Čornaha mora. «Paŭnočnaatłantyčny aljans pavinien być hatovy da dalejšaha reahavańnia na ŭsie pahrozy i vykliki, dzie b jany ni ŭźnikali», — havorycca ŭ dakumiencie. U suviazi z hetym krainy pryniali sumiesnaje abaviazacielstva vykonvać standart NATA i nakiroŭvać na abaronu nie mienš za 2% VUP.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary