Pra jaje siońnia znoŭ havaryŭ Alaksandr Łukašenka ŭ intervju kiraŭnikam padparadkavanych sabie ŚMI. Hałoŭnaje nie zarpłata, a stabilnaść, zajaviŭ jon. I vysoka acaniŭ umovy MVF.
Pra jaje siońnia znoŭ havaryŭ Alaksandr Łukašenka ŭ intervju kiraŭnikam padparadkavanych sabie ŚMI. Hałoŭnaje nie zarpłata, a stabilnaść, zajaviŭ jon. I vysoka acaniŭ umovy MVF. «Dziaržava hatova pajści z tych śfier, dzie nie moža być efiektyŭnaha dziaržaŭnaha kiravańnia», abiacaje jon.
«Treba spynić biurakratyčny ździek z ekanomiki, — hrymieŭ jon. — Nie pavinna być zasilla biuraktaryi ŭ hety pieryjad, kali navokał šuhaje połymia finansava‑ekanamičnaha kryzisu».
«Nie pavinna być zališniaha administracyjnaha cisku na ekanomiku, nieabchodna libieralizavać usie hetyja pracesy i dać mahčymaść usie hetyja pracesy i dać mahčymaść ludziam spakojna pracavać», ‑ skazaŭ jon.
Pry hetym jon padkreśliŭ, što
vielmi važna padtrymlivać inicyjatyvu samich ludziej, treba dać im mahčymaść svabodna rehistravać svaje pradpryjemstvy i spakojna pracavać.
«My pavinny raźniavolić dziaržaŭnyja pradpryjemstvy da ŭzroŭniu pryvatnych», — padkreśliŭ Alaksandr Łukašenka. Pry hetym jon dadaŭ, što dziaržava hatova pajści z tych śfier, dzie nie moža być efiektyŭnaha dziaržaŭnaha kiravańnia.
Jon adznačyŭ, što ŭ Biełarusi budzie pravodzicca pryvatyzacyja pa śpisu šerahu pradpryjemstvaŭ, ale sistemaŭtvaralnyja pradpryjemstvy, kali i pradajucca, to tolki ŭ vyklučnych vypadkach. Takich vyklučnych vypadkaŭ siońnia ŭ Biełarusi niama, navat niahledziačy na finansavy kryzis.
Łukašenka adznačyŭ, što jon padpisaŭ važnyja dakumienty, što tyčać libieralizacyi ekanomiki. U najbližejšy čas jany buduć apublikavanyja.
U ciapierašnich umovach hałoŭnaje nie zarpłata, a stabilnaść ekanomiki, zajaviŭ jon.
Nakont razmoŭ ab tym, što, maŭlaŭ, Alaksandr Łukašenka ŭpieršyniu źniziŭ zarpłatu biudžetnikam, kiraŭnik dziaržavy rastłumačyŭ: «Dy nie skaraciŭ, a pavysiŭ, tolki nie na 25 pracentaŭ, a na 5 pracentaŭ. Siońnia, jak heta ni dziŭna hučyć, hałoŭnaje nie zarpłata, a stabilnaść rubla, finansavaj sistemy, a značyć, i ekanomiki. A ekanomika i stabilnaść - heta rabočyja miescy ludziej. U nas u ekanomicy pracujuć miljony ludziej».
Pry hetym Alaksandr Łukašenka nazvaŭ umovy MVF vykanalnymi i navat chvaliŭ ich: «Kali my siońnia vielmi vialikuju masu biełaruskich hrošaj nakirujem u hramadstva, kudy hetyja hrošy pojduć? Ludzi buduć mianiać ich na dołary - nie chopić dołaraŭ, što tady? Voś tady i pačniecca ažyjataž. Tamu heta nie skoki pad temp MVF. Jany pravilna havorać: vy prosicie ŭ nas $2 młrd. kredytaŭ, jakija zaŭtra buduć pahłynuty hetaj rublovaj masaj. Jany absalutna pravy. Bo my ŭ ich prosim, i jany dyktujuć peŭnyja ŭmovy. I ŭ hetym vypadku jany nie pradyktavali nam nijakich nievykanalnych umoŭ».
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5656
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz56
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary