Zatrymanaja ŭ ZŠA rasijanka Maryja Bucina zajaviła ŭ sudzie ŭ Vašynhtonie, što pryznaje svaju vinu va ŭdziele ŭ zmovie suprać ZŠA, paviedamlaje CNN. Bucina taksama paviedamiła, što dziejničała pad kiraŭnictvam rasijskaha čynoŭnika.
Pa danych Bloomberg, Bucina pryznałasia, što dziejničała ŭ ZŠA jak niezarehistravany «ahient Kramla», sprabavała trapić u davier da lidaraŭ Nacyjanalnaj strałkovaj asacyjacyi i vykazała hatoŭnaść supracoŭničać sa śledstvam.
«Bucina imknułasia ŭstalavać nieaficyjnyja suviazi z amierykancami, jakija majuć uładu i ŭpłyŭ na palityku ZŠA», — zajaviŭ u sudzie pradstaŭnik abvinavačvańnia.
CNN adznačaje, što ciapier Bucinoj pahražaje nie bolš za piać hadoŭ pazbaŭleńnia voli, a paśla adbyćcia pakarańnia jana, chutčej za ŭsio, budzie departavanaja.
Bucinu, jakaja pražyvała ŭ ZŠA pa studenckaj vizie, zatrymali ŭ siaredzinie lipienia 2018 hoda, abvinavaciŭšy ŭ sprobie «infiltracyi» ŭ amierykanskija arhanizacyi «z metaj prasoŭvańnia intaresaŭ Rasijskaj Fiederacyi».
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ103
Kamientary