Kaardynatar «Jeŭrapiejskaj Biełarusi» Jaŭhien Afnahiel vyjšaŭ na svabodu. Apazicyjny palityk raskazaŭ Charter97.link usie padrabiaznaści svajho zatrymańnia.
Čytajcie taksama: Zatrymany aktyvist Jaŭhien Afnahiel. Jaho abvinavačvajuć u kradziažy
«Žonku pasadzili ŭ asobny aŭtamabil, mianie ŭ inšy. Ja paśpieŭ koratka napisać pra zatrymańnie. Mianie adrazu papiaredzili, što mianie abvinavačvajuć u kradziažy, heta pahražaje kryminalnym pakarańniem. Skazali, što žonku ja nie chutka ŭbaču.
Mianie advieźli ŭ Baraŭlanski adździeł milicyi razam z zahadčykam składa, dzie ja kuplaŭ budmateryjały. Pakul my jechali, jamu prostym tekstam kazali, što ty pavinien napisać zajavu pra kradziež, inakš prablemy buduć u ciabie.
Ja nie viedaju, ci napisaŭ jon zajavu, ale ŭ Baraŭlanskim adździele milicyi ŭ mianie adrazu zabrali telefon, skłali pratakoł pa administracyjnaj spravie, dzie ŭ mianie ŭziali tłumačeńni» — skazaŭ Afnahiel.
Paźniej učastkovy, jaki składaŭ pratakoł, zajaviŭ, što status Afnahiela pa hetaj spravie zamianili na «śviedku». Ciapier jon znachodzicca na voli.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary