U Hrodnie visić abjava, jakuju nie zdymajuć užo 45 hadoŭ FOTAFAKT
Niezvyčajnuju abjavu možna ŭbačyć u adnym z padjezdaŭ doma №6 pa vulicy Savieckaj u Hrodnie. Jaje paviesili jašče ŭ 1973 hodzie, ale da hetaha času nichto tak i nie źniaŭ, paviedamlaje Hrodna.life.
Na abviestcy nastupnaja infarmacyja:
«Tav. žychary! U suviazi z farbavańniem panelaŭ treba ich pamyć u samy karotki termin. 11 / XII 1973 h.»
Chto napisaŭ i paviesiŭ hetu abjavu ŭ 1973 hodzie, siońnia nichto nie moža dakładna skazać. Žyłymi zastalisia tolki dźvie kvatery na ceły padjezd.
«Tak, heta abjava z tych časoŭ, kali ŭ padjeździe rabili ramont. Niekalki hadoŭ tamu niechta źniaŭ ź dźviarej mietaličnuju šyldu, a pad joj akazałasia abjava 1973 hoda. Užo prajšło niekalki hadoŭ, jak źniali tuju šyldu, a papierka ŭsio jašče visić. Siońnia na abjavu my ŭžo i nie zvažajem, ale i prybirać jaje nie śpiašajemsia», — raspaviała žycharka doma Tamara.
Dom №6 na vulicy Savieckaj byŭ pabudavany ŭ 18 stahodździ. U budynku doŭhija hady raźmiaščalisia navučalnyja ŭstanovy, a paśla Druhoj suśvietnaj vajny siudy zasialili siemji vajskoŭcaŭ.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary