FSB paviedamiła ab zatrymańni ŭ Smalenskaj vobłaści uradženca Dahiestana pa padazreńni ŭ členstvie ŭ terarystyčnaj hrupoŭcy «Isłamskaja dziaržava» i ŭ tym, što jon pa zadańni SBU płanavaŭ zabojstva adnaho ź lidaraŭ samaabvieščanaj Danieckaj narodnaj respubliki.
Zadańnie zabić adnaho ź lidaraŭ DNR jamu dali ŭ Słužbie biaśpieki Ukrainy i kiraŭniki «Pravaha siektara». Kaho mienavita płanavaŭ zabić zatrymany, nie ŭdakładniajecca. FSB adznačaje, metaj Mahamiedava byŭ «kamandzir adnaho z padraździaleńniaŭ uzbrojenych sił DNR, jaki pražyvaje ŭ Smalenskaj vobłaści».
Jak śćviardžajuć u FSB, Mahamiedaŭ pryznaŭsia, što «na terytoryi Ukrainy nacyjanalnymi śpiecsłužbami akazvajecca aktyŭnaja dapamoha» terarystam ID «u harantavańni ich biaśpieki, finansavańni, pradastaŭleńni zbroi i vybuchovych rečyvaŭ» dla arhanizacyi teraktaŭ u Rasii. Taksama, pa słovach zatrymanaha, ukrainskija śpiecsłužby vykarystoŭvajuć terarystaŭ dla «likvidacyi lidaraŭ apałčeńnia samaabvieščanaj Łuhanskaj i Danieckaj narodnych respublik».
Pry vobšuku ŭ Mahamiedava znajšli samarobnaje vybuchovaje prystasavańnie mahutnaściu 1,5 kiłahram u traciłavym ekvivalencie, pistalet z prystasavańniem dla biasšumnaj stralby i bojeprypasy da jaje. Na jaho zaviali kryminalnuju spravu.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary