Alaksandr Łukašenka daručyŭ staršyni Śledčaha kamiteta Biełarusi Ivanu Naskieviču ŭziać na piersanalny kantrol pravierku pa fakcie śmierci dziciaci ŭ Hancavičach. Pra heta kiraŭnik śledčaha viedamstva paviedamiŭ siońnia žurnalistam pa vynikach dakłada kiraŭniku dziaržavy.
«Kiraŭniku dziaržavy było paviedamlena ab tym, što materyjały pravierki pa fakcie hibieli hetaha dziciaci pryniaty da vytvorčaści hałoŭnym śledčym upraŭleńniem Centralnaha aparata Śledčaha kamiteta. Akramia taho, što my niepasredna vyśviatlajem pryčynu śmierci dziciaci, viadoma ž, my nadadzim uvahu i pytańniam zakupki hetaj vakcyny, jaje źjaŭleńnia na terytoryi Biełarusi, jaje ŭžyvańnia. Kiraŭnik dziaržavy daručyŭ mnie ŭziać hetuju pravierku na piersanalny kantrol «, - raspavioŭ Ivan Naskievič.
Jon zapeŭniŭ, što pra vyniki pravierki viedamstva abaviazkova raskaža ŭ ŚMI. Pakul što rabić niejkija vysnovy rana. «Navat pra pryčyny śmierci pakul možna tolki ŭ mierkavanym varyjancie vieści razmovu - anafiłaktiyčny šok. Ale zaklučeńnia ekśpiertaŭ my jašče nie atrymali», - źviarnuŭ uvahu staršynia Śledčaha kamiteta.
Kamientary