Biełarusaŭ adpraviać u Tbilisi adrazu ź fiestyvalu «Tbilisoba»
1 vieraśnia biełarusaŭ zaprašajuć na hruzinski «turbazar» la karetnaha dvoryka, dzie možna prahulacca pa vułačkach Tbilisi ŭ akularach virtualnaj realnaści, zabraniravać tury ŭ hory i na mora pa haračych cenach i pieranieścisia ź biełaruskaj «Tbilisoby» — festu hruzinskaj kultury ŭ Vierchnim horadzie — na «Tbilisobu» ŭ Hruzii.
Dla taho, kab atrymać biaspłatnyja kvitki ad «Baržomi» i partnioraŭ «turbazara», treba za adnu chvilinu lubym sposabam pierakanać žury i hledačoŭ u tym, što hetaje padarožža dazvolić vam ažyćciavić svaju maru na ŭsie 100.
Kastynh na pajezdku ŭ Hruziju projdzie z 15.00 da 17.00, a sam «turbazar» adkryty ŭ karetnym dvoryku da 20.00. Uvachod i ŭdzieł svabodnyja.
«Štohod tysiačy biełarusaŭ adpraŭlajucca ŭ Hruziju pa smačnuju ježu i soniečnyja plažy. My prapanujem vybirać padarožžy, jakija natchniajuć na śmiełyja ŭčynki i dazvalajuć atrymlivać asałodu ad žyćcia na ŭsie 100, — raspaviadaje Dzianis Krupiec, dyrektar IDS Borjomi Belarus i arhanizatar fiestyvalu «Tbilisoba». — Spuścicca pa hornaj race na bajdarcy, skaryć vułkan ci tančyć da paŭnočy padčas «Tbilisoby» ŭ Tbilisi — heta tolki mały śpis spraŭ u Hruzii, jakija dorać novyja emocyi. Razam z «Biełavija» i našymi partniorami pa «turbazary» my padrychtavali dźvie pucioŭki na dvaich u Hruziju i padorym ich tym, chto advažycca na spantannaje padarožža prosta na fiestyvali».
Achvotnym adpravicca ŭ Hruziju treba vyjści na scenu la karetnaha dvoryka pierad natoŭpam hledačoŭ i žury z treveł-błohieraŭ i za adnu chvilinu ździvić ich tak, kab nie zastałosia sumnievu — hetaja vandroŭka patrebna mienavita vam. Kastynh pačniecca a 15-j hadzinie, ale zajmać «čarhu» ŭ Hruziju rajać zahadzia. Žury prymajuć udzielnikaŭ tolki da 17.00, paśla čaho nazavuć pieramožcaŭ i ŭručać dva siertyfikaty. Adzin dazvalaje adpravicca na vinahradniki ŭ Kachieciju na dehustacyju dziasiatkaŭ hatunkaŭ vina, druhi — pasprabavać usie aktyŭnyja zabavy na plažach u Batumi.
Dla tych, chto lubić zahadzia płanavać svoj adpačynak, padčas fiestyvalu turahienctva Saperavi.by, «AnitaBy», Alpha-Tour, «Rostynh» i «Tajm Vajaž» prapanujuć tury ŭ Hruziju pa «haračych» cenach i daduć 10 niezvyčajnych maršrutaŭ dla samastojnych padarožžaŭ.
Daviedacca pra toje, dzie hatujuć samyja syrnyja chačapury i na fonie jakich słavutaściaŭ fatahrafii źbirajuć samuju vialikuju kolkaść łajkaŭ možna padčas lektoryja ad «byvałych» padarožnikaŭ i błohieraŭ. Svoj udzieł užo paćvierdzili fudchantar Koko.by, madel Kacia Koba, zasnavalnik «Mazhabojni» Alaksandr Chanin, błohiery Maksim Puškin i Anton Matolka, prafiesijnyja samielje i mnohija inšyja.
Usie, chto ŭžo pabyvaŭ u Hruzii i chacieŭ by padzialicca łajfchakami samastojnych padarožžaŭ, mohuć taksama vystupić na scenie «turbazara». Dla hetaha treba źviazacca z arhanizatarami pa telefonie ci apublikavać fatahrafiju sa svajho padarožža z karotkim apisańniem maršrutu i chešteham #tbilisoba❤ u sacyjalnych sietkach.
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary