MZS Rasiei: «Techničnyja niuansy» pieraškadžajuć damovie ab uzajemnym pryznańni vizaŭ
«Peŭnyja składanaści» ŭ pracy nad prajektam biełaruska-rasiejskaha mižuradavaha pahadnieńnia ab uzajemnym pryznańni vizaŭ «abumoŭlenyja nie adsutnaściu palityčnaj voli z taho ci inšaha boku, a vialikaj kolkaściu techničnych niuansaŭ».
Pra heta havorycca ŭ adkazie Ministerstva zamiežnych spraŭ Rasiei na zapyt Radyjo Svaboda prakamentavać uviadzieńnie Biełaruśsiu 30-dzionnaha biaźvizu dla zamiežnikaŭ.
«Treba mieć na ŭvazie, što režymy ŭjezdu ŭ Rasieju i Biełaruś dla hramadzian značnaj kolkaści zamiežnych dziaržaŭ nie supadajuć. Rasieja, da prykładu, zaklučyła bolš pahadnieńniaŭ ab biaźvizavych pajezdkach. Nieabchodna taksama adpracavać paradak infarmacyjnaha abmienu pamiž kampetentnymi viedamstvami našych krain», — havorycca ŭ adkazie MZS Rasiei.
Pavodle rasiejskaha MZS, «vialikaj padmohaj» u pracy nad dakumentam stała padpisanaje ŭ traŭni mižuradavaje pahadnieńnie ab ujeździe zamiežnych hramadzian i asob biez hramadzianstva na mižnarodnyja spartovyja mierapryjemstvy.
Jano dazvoliła zamiežnikam, jakija mieli pašpart zaŭziatara, prajechać biaź vizy praź Biełaruś i rasiejska-biełaruskuju miažu na čempijanat śvietu pa futbole. Rasieja analahična paspryjaje biełaruskamu boku padčas Druhich Eŭrapiejskich hulniaŭ u 2019 hodzie.
Pavodle rasiejskaha MZS, praca nad prajektam pahadnieńnia ab uzajemnym pryznańni vizaŭ idzie zhodna ź planam mierapryjemstvaŭ pa farmavańni adzinaj mihracyjnaj prastory, pryniatym u červieni 2017 hodu.
Užo praviedziena niekalki raundaŭ kansultacyj, čarhovyja rasiejski bok raźličvaje pravieści sioletniaj vosieńniu.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ1414
Kamientary