Juryj Zisier: Heta nie sprava suprać TUT.by, razmova idzie pra niekalkich supracoŭnikaŭ
Zasnavalnik kampanii Tut.by Juryj Zisier paviedamiŭ Svabodzie, što jahonych supracoŭnikaŭ dapytvajuć, ich telefony nie adkazvajuć, ofis partału nadalej zablakavany śledčymi.
«Heta nia sprava suprać TUT.by, pakul razmova idzie pra niekalkich supracoŭnikaŭ, partał u hetym nie zaviazany. Nam, kaniešnie, niepryjemna, što heta zablakavała pracu kampanii, što ludziej nie puskajuć u ofis. Ale ludzi pracujuć z kvateraŭ, sajt abnaŭlajecca», — skazaŭ Zisier.
Nakont pretenzijaŭ Śledčaha kamitetu pa niesankcyjanavanym dostupie da infarmacyi BiełTA, Zisier zajaviŭ:
«Ja nie ŭjaŭlaju, navošta heta mahło spatrebicca, bo naviny BiełTA jość u adkrytym dostupie».
Pavodle Zisiera, śledčyja zabrali kamputary niekalkich žurnalistaŭ, mahčyma, pačali ŭžo pisać pratakoły. Jon spadziajecca, što pieratrus skončycca da kanca dnia.
Zranicy 7 žniŭnia supracoŭniki Śledčaha kamitetu pryjšli ź pieratrusami ŭ ofisy internet-partału Tut.by i infarmacyjnaha ahienctva BiełaPAN.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary