A-Fest adkryvaje Akademiju fudchantaraŭ i nabiraje studentaŭ, Koko.by — «rektar»

«Studenty» buduć biaspłatna abiedać u restaranach Minska. Praktyčnyja zaniatki projduć u fudtraku. «Rektaram» stanie Koko.by — hałoŭny fudchantar krainy, na jakoha ŭ instahramie padpisanyja 200 tysiač čałaviek. Vypuskny ekzamien projdzie na fiestyvali piva i ježy A-Fest, jaki niekalki hadoŭ zapar utrymlivaje zvańnie hałoŭnaha biaspłatnaha oŭpen-ejra ŭ Minsku.

Luboje chobi moža stać paŭnavartasnaj pracaj. Fudchantar — adna z samych zapatrabavanych prafiesij u internecie. Heta i błohier, i fatohraf, i hastrakrytyk adnačasova. Jon naviedvaje restarany i sprabuje vuličnuju ježu, aceńvaje pracu piersanału i kancepcyju ŭstanovy, a paśla dzielicca svaim ekśpiertnym mierkavańniem u sacyjalnych sietkach i zarablaje na hetym hrošy (kali jaho čytajuć, viadoma). Kožny post minskaha fudchantara Koko.by, jaki ŭznačaliŭ akademiju, čytaje pa 50-100 tysiač čałaviek.

U Akademiju fudchantaraŭ A-Fest zaličać 10 «studentaŭ». Prachodzić sumoŭje dla pastupleńnia nie pryjdziecca — trapić u Akademiju možna prosta praź instahram. Achvotny stać «palaŭničym na ježu» musić zrabić post z ahladam svajoj lubimaj stravy i adznačyć profili @koko.by i @alivariabelarus.

Patrabavańniaŭ da stravy dla ahladu arhanizatary nie vysoŭvajuć — heta moža być i viačera ŭ restaranie, i sendvič, pryhatavany na śniadanak. Zajaŭki buduć šukać pa cheštehu #afest2018, jaki treba dadać u dopis z ahladam.

Ustupnyja pracy prymajuć z 20 pa 23 lipienia.

«Minuły A-Fest zapomniŭsia minčanam raznastajnaściu restaranaŭ na fudkorcie. Sioleta my jaho ŭdaskanalim i zrobim akcent na vuličnuju ježu, — kamientuje Taras Macypura, namieśnik hienieralnaha dyrektara pa markietynhu pivavarnaj kampanii «Alivaryja» i arhanizatar A-Fest. —

Kab kožny hość zastaŭsia zadavoleny ježaj i pivam, my pačniom raspaviadać pra fudkort jašče da 11 žniŭnia. Dla hetaha my i stvaryli Akademiju fudchantaraŭ, dzie 10 «studentaŭ» na čale z Koko.by buduć testavać stravy ad ustanoŭ, jakija stanuć udzielnikami A-Fest».

10 dzion «studenty» buduć biaspłatna naviedvać kaviarni i restarany Minska pa imiannym bejdžy Akademii fudchantaraŭ, a paśla — raskazvać pra heta ŭ svaich sacsietkach. Akramia hetaha, jany projduć kurs abiedziennaha etykietu, pryhatujuć stryt-fud z kucharami ź Jeŭropy i navučacca spałučać vuličnuju ježu ź pivam «Alivaryja». Nastaŭniki-błohiery praviaduć dla «studentaŭ» kursy z łajfchakami dla prasoŭvańnia instahrama pra ježu, sieminary pa fudfota i praktyčnyja zaniatki, dzie navučać teścić stravy i rabić ahlady dla sacyjalnych sietak.

Akademija stanie trochtydniovym realici-šou — na kožnym etapie navučańnia «studenty» buduć vybyvać. Vyrašyć, chto dojdzie da finału, minčanie zmohuć na sajcie Koko.by. Tut raźmieściać pracy ŭdzielnikaŭ, a hledačy prahałasujuć i vyznačać troch pieramožcaŭ. Vypuskny Akademii projdzie hučna — 11 žniŭnia ŭ Łošyckim parku na A-Fest.

Pavialičyć

• 0
• 0
• 0
• 0
• 0
• 0
• 0
• 0